Kitoko yataramiye abitabiriye Shampiyona ya Afurika y’amagare

Yanditswe na Manzi Rema Jules
Kuya 14 Gashyantare 2018 saa 09:23
Yasuwe :
0 0

Umuterankunga w’imena wa shampiyona ya Afurika yo gusiganwa ku magare yatangiye kubera mu Rwanda kuri uyu wa Gatatu, Cogebanque, yatunguye abakiliya bayo n’abafana b’amagare muri rusange ibazanira umwe mu bahanzi bakomeye mu gihugu ariko usanzwe aba i Burayi, Kitoko Bibarwa, arabasusurutsa.

Cogebanque isanzwe ari umuterankunga ukomeye w’ibikorwa by’amagare mu Rwanda birimo amasiganwa ya Tour du Rwanda na Rwanda Cycling Cup ndetse n’ikipe ya Les Amis Sportif y’i Rwamagana yazamuye abakinnyi bakomeye nka Areruya Joseph, Ndayisenga Valens, Girubuntu Jeanne d’Arc n’abandi.

Kuri ubu iri no mu baterankunga bakuru ba Shampiyona ya Afurika yo gusiganwa ku magare iri kubera mu Rwanda ku nshuro ya kabiri nyuma y’iya 2010, ikaba iri no kwegereza abakiliya ikarita ya ‘Mastercard Prepaid Card’ ibafasha guhaha no kwishyura serivisi zitandukanye batagombye kwitwaza amafaranga mu mufuka.

Mu kiganiro Umuyobozi Ushinzwe Ubucuruzi muri iyi banki, Mujyambere Louis De Montfort, yagiranye na IGIHE nyuma y’umunsi wa mbere wa Shampiyona, yavuze ko ari ishema kuri Cogebanque kuba yaragize umusanzu itanga mu guteza imbere umukino ushimisha Abanyarwanda, anabasezeranya ko itazabitezukaho.

Yagize ati “Nka Cogebanque turishimye kuba abana b’Abanyarwanda bageze ku rwego rwiza muri uyu mukino kandi ukaba ari n’umwe mu mikino ikunzwe cyane mu gihugu. Ni ishema rikomeye kuri twe kuko twabigizemo uruhare dufatanyije na Ferwacy n’abandi bafatanyabikorwa batandukanye kandi bizakomeza gutya no mu gihe kiri imbere.”

Yakomeje agira ati “Uretse gufasha abakiliya bacu ari na bo Banyarwanda muri rusange, kugira ibyishimo biciye mu mukino w’amagare, tunabafitiye serivisi zitandukanye zirimo n’ikarita ya ‘Mastercard Prepaid Card’ ibafasha mu buryo bwinshi nko mu guhaha mu gihugu no hanze batagombye kwitwaza amafaranga.”

Agashya Cogebanque yazaniye abakiliya bayo uyu mwaka ni umuhanzi Kitoko Bibarwa waje mu buryo butari bwitezwe asusurutsa abari bateraniye ku kibuga kiri hafi ya gare ya Nyanza ya Kicukiro ndetse bikaba biteganyijwe ko azakomeza kubasusurutsa kugera irushanwa rirangiye ku Cyumweru tariki 18 Gashyantare.

Cogebanque yari isanzwe ifite icyicaro gikuru mu Mujyi mu nyubako ya Centenery House kuva tariki 10 Gashyantare 2018 kikaba cyaramaze kwimukira mu nyubako nshya iyi banki yujuje mu Mujyi kuri Avenue de la Paix ahazajya hanatangirwa serivisi za Prestige banking ariko n’ishami ryo kuri Centenery House rikazakomeza gukora no gutanga izindi serivisi nk’uko bisanzwe.

Kitoko yasusurukije abitabiriye Shampiyona ya Afurika y'Amagare
Cogebanque yatunguye abakiliya bayo n’abafana b’amagare ubwo yabazaniraga uyu muhanzi
Cogebanque yiyemeje gufasha abakiliya bacu ari na bo Banyarwanda muri rusange, kugira ibyishimo biciye mu mukino w’amagare
Umuyobozi Ushinzwe Ubucuruzi muri iyi banki, Mujyambere Louis De Montfort
Cogebanque yatangaje ko Kitoko azagumana n'abakunzi b'amagare kugeza shampiyona irangiye
Cogebanque iri kwegereza abakiliya ikarita ya ‘Mastercard Prepaid Card’ ibafasha guhaha no kwishyura serivisi zitandukanye batagombye kwitwaza amafaranga mu mufuka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza