Nzafashwanayo w’imyaka 18 yegukanye agace ka gatandatu ka Tour du Cameroun

Yanditswe na Eric Tony Ukurikiyimfura
Kuya 7 Kamena 2019 saa 08:53
Yasuwe :
0 0

Umunyarwanda Nzafashwanayo Jean Claude yegukanye agace ka gatandatu ka Tour du Camroun iri kuba ku nshuro ya 16 mu gihe Uwizeyimana Bonaventure akomeje kuza ku mwanya wa cyenda ku rutonde rusange, arushwa umunota umwe n’amasegonda 16 ku rutonde rusange.

Iri rushanwa rizenguruka Cameroun ryakomeje kuri uyu wa Gatanu, aho abakinnyi basiganwe intera y’ibilometero 82 mu mujyi wa Douala.

Umunyarwanda Nzafashwanayo Jean Claude w’imyaka w’imyaka 18 gusa, ni we wegukanye aka gace k’uyu munsi k’iri siganwa riri ku rwego rwa 2.2 nyuma yo gukoresha amasaha abiri, iminota itatu n’isegonda rimwe, ibihe yanganyije na Hervé Raoul Mba ukinira SNH Vélo Club na Varhanovsky Jakub wa Slovakia.

Umuholandi Stephan Bakker umaze kwegukana uduce tubiri muri iri siganwa ndetse n’Umunya-Maroc Medrazi Mohamed wegukanye agace ka kane, bombi baje ku mwanya wa gatanu n’uwa gatandatu, basizwe amasegonda 32 na Nzafashwanayo, bakoresha ibihe bimwe na Uwizeyimana Bonaventure wegukana iri siganwa mu mwaka ushize, aho yabaye uwa munani uyu munsi.

Umunya-Cameroun Kamzong Clovis ukomeje kuyobora urutonde rusange nyuma yo gukoresha amasaha 20, iminota 56 n’amasegonda 37, aho arusha uwa kabiri amasegonda 15, uyu munsi yabaye uwa cyenda nyuma yo kugera ku murongo ari mu itsinda ryarimo Uwizeyimana Bonaventure.

Manizabayo Eric wari muri iryo tsinda, yabaye uwa 14, Byukusenge Patrick aba uwa 25. Ruberwa Jean Damascène yabaye uwa 37 asizwe amasegonda 39 mu gihe Mugisha Moïse yabaye uwa 42 asizwe iminota ibiri n’amasegonda 29.

Isiganwa rirakomeza kuri uyu wa Gatandatu hakinwa agace ka karindwi kabanziriza aka nyuma, aho abasiganwa bazahagurukira mu gace ka Loum berekeza Dschang ku ntera y’ibilometero 109.4.

Nzafashwanayo Jean Claude yegukanye agace ka gatandatu ka Tour du Cameroun

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza