Tour de France U23: Abanyarwanda basoje mu ba mbere

Yanditswe na Manzi Rema Jules
Kuya 18 Kanama 2018 saa 02:45
Yasuwe :
1 0

Mu gace ka mbere k’isiganwa rya Tour de France y’abatarengeje imyaka 23 rizwi nka ‘Tour de l’Avenir’, batandatu baserukiye u Rwanda basoje banganya ibihe n’Umudage wabaye uwa mbere.

Iri rushanwa ryatangiye kuri uyu wa Gatanu tariki ya 17 Kanama.

Ni ku nshuro ya mbere u Rwanda rwitabiriye, ruhagarariwe na Mugisha Samuel uheruka kwegukana Tour du Rwanda 2018.

Abandi ni Hakiruwizeye Samuel, Munyaneza Didier, Ukiniwabo René Jean Paul, Eric Manizabayo na Areruya Joseph wanagize uruhare runini mu kubona iyi tike ubwo yegukanaga Tour de l’Avenir ku mugabane wa Afurika, yabereye muri Cameroun.

Iri rushanwa riri kuba ku nshuro ya 55 ryatangiye abasiganwa 156 bahaguruka ahitwa Grand-Champ berekeza Elven, ku ntera ya kilometero 132,5.

Ni agace kegukanywe n’Umudage Max Kanter w’imyaka 20 akoresheje amasaha 3:15’:01" ariko anganya n’abandi 147 bamukurikiye barimo n’Abanyarwanda bose kuko bagereye ku murongo rimwe.

Kuri uyu wa Gatandatu abasiganwa bahaguruka ahitwa Drefféac basoreze Châteaubriant ku ntera ya kilometero 137,6 mu muhanda wiganjemo gutambika.

Ingengabihe ya Tour de l’Avenir 2018

Tariki 17 Kanama 2018: Grand-Champ › Elven (132.5km)

Tariki 18 Kanama 2018: Drefféac › Châteaubriant (137.6km)

Tariki 19 Kanama 2018: Le Lude › Châteaudu (165.8km)

Tariki 20 Kanama 2018: Team Time Trial – Orléans › Orléans (20.2km)

Tariki 21 Kanama 2018: Beaugency › Levroux (130.4km)

Tariki 22 Kanama 2018: Le Blanc › Cérilly (183.5km)

Tariki 23 Kanama 2018: Moutiers › Méribe (35.9km)

Tariki 24 Kanama 2018: Crest-Voland Cohennoz (106.2km)

Tariki 25 Kanama 2018: Séez › Val d’Isère (89km)

Tariki 26 Kanama 2018: Val d’Isère › Saint-Colomban-des-Villards Col du Glandon (150.8km)

Umudage Max Kanter niwe wegukanye agace ka mbere ka Tour de l'Avenir ariko yagereye ku murongo rimwe n'abandi barimo n'Abanyarwanda bose
Areruya Joseph na bagenzi be bitabiriye iri rushanwa

Manzi Rema Jules


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza