Kwamamaza

Tour du Rwanda: Areruya Joseph yizeye kwegukana agace ka Kigali-Ngoma

Yanditswe kuya 13-11-2016 saa 18:12' na Jah d'eau DUKUZE


Areruya Joseph ukinira ikipe ya Les Amis Sporitifs y’i Rwamagana, yizeye kwitwara neza mu nzira inyura mu gace akomokamo, agatwara agace ka mbere ka Tour du Rwanda kari buve i Kigali kuri uyu wa mbere gasorezwe i Ngoma mu rugendo rw’ibirometero birenga gato 96.

Abasiganwa bagera kuri 73 bitabiriye Tour du Rwanda ya 2016, kuri uyu wa mbere bari buhaguruke ku Kicukiro ku i saa 9 :30’ za mu gitondo, berekeza mu ntara y’Uburasirazuba mu karere ka Ngoma, ni muri imwe mu nzira zoroshye muri iyi Tour du Rwanda y’ umurambi ureshya na Km 96 na metero magana inani.

Debesay Mekseb ni we wari wegukanye agace ka Kigali-Ngoma ubwo Tour du Rwanda yaherukaga kuhagana muri 2014

Inzira nk’iyi, Tour du Rwanda yaherukaga kuyicamo nanone mu gace ka mbere ko mu mwaka wa 2014, ubwo umunya-Erithrea Debesay Mekseb yakegukanaga, agakurikirwa na mugenzi we ukinira AS.BE.CO, Debretsion Aaron hamwe n’undi munya-Eritrea Afewerki Alyas. Uyu Afewerki Alyas wari wabaye uwa gatatu, ni we wenyine muri aba wagarutse n’uyu mwaka, gusa Areruya Joseph waje ku mwanya wa gatatu muri “Prologue” yizeye kuzamuhigika akegukana umwanya wa mbere.

Aganira n’itangazamakuru nyuma yo kuba umunyarwanda witwaye neza kuri iki cyumweru, Areruya yagize ati :“ Meze neza hatagize igihunduka umwanya wa mbere (mu gace Kigali-Ngoma) nawufata.”

“Icyizere naha abanyarwanda ni uko agace k’ejo gatambika kandi kadakomeye cyane. Yego biragoye gukuramo ibihe tukaba twambara umwenda w’umuhondo ariko (na byo) nitugera mu misozi turabizeza ko bizakunda”.

Iki cyizere cya Areruya Joseph, akaba anagisangiye na Perezida w’ishyirahamwe ry’umukino w’amagare mu Rwanda, Aimable Bayingana, watangaje ko nta kibazo batewe no kuba abanyarwanda bategukanye agace kabanza ko kuri iki cyumweru.

“Prologue ni umusogongero guhera ejo n’ejoundi ni bwo ibintu bikomeye bizaba bitangira. Ntabwo igihe cyose twajya dutwara prologue”.

“Turacyafite icyizere 100% nyuma y’agace kabanza abanyarwanda dufitemo abanyarwanda benshi mu 10 ba mbere. Ejo nanone bizaba bikomeye kuko ari ahantu hatambika kandi abanyamahanga barahamenyereye, guhera ejobundi ni bwo isiganwa rizaba isiganwa”.

Areruya Joseph uyu mwaka yashoboye kwegukana Circuit International de Constantine ni rimwe mu marushanwa agize "Grand Tour d'Algerie"

Areruya Joseph wari waje ku mwanya wa kabiri muri Tour du Rwanda iheruka, uyu mwaka yitabiriye amarushanwa atandukanye, aho yegukanye Circuit International de Constantine yo muri Ageria yabaye muri Werurwe ndetse anabona umwanya wa kabiri mu gace ka gatanu ko muri Tour Eritrea, kavaga Massawa kajya Asmara, hari muri Mata 2016.

Ikipe ya Les Amis Sportifs Areruya akinira ni imwe mu zitezwe muri iyi Tour du Rwanda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved