U Rwanda rwegukanye umudari umwe wa Bronze muri shampiyona ya Afurika (Yavuguruwe)

Yanditswe na Manzi Rema Jules
Kuya 16 Gashyantare 2017 saa 12:57
Yasuwe :
0 0

Mu gihe byari byatangajwe ko u Rwanda rwegukanye imidari ibiri ya bronze muri shampiyona ya Afurika yo gusiganwa ku magare irimo kubera mu Misiri, akanama gashinzwe kuyitegura kabihinduye uwa Ndayisenga Valens ukurwaho hasigara uwa Areruya Joseph mu batarengeje imyaka 23 (U23).

Furaha Jacques ushizwe itangazamakuru mu Ishyirahamwe ry’umukino w’amagare mu Rwanda, wajyanye mu Misiri abakinnyi bahagarariye u Rwanda, yasobanuye uko Ndayisenga yabuze uwo yari yemerewe.

Yagize ati “Iby’uko Valens nta mudari akibonye babivuze nyuma y’amasaha ane batangaje ko Valens ari muri batatu ba mbere ko ari bubone umudari.”

Akomeza agira ati “Ubusanzwe iyo abakinnyi ba U23 bakiniye hamwe n’abakuru babara batatu ba mbere muri U23 bakabaha umudari kabone n’iyo baba babaye aba nyuma mu bakuru. Hanyuma mu guhemba mu bakuru bagahemba batatu muri rusange kabone n’iyo bose baba ari U23.”

Yongeraho ati “Ni ukuvuga ko umukinnyi wa U23 aramutse abaye uwa mbere muri rusange, ahabwa umudari w’uko yabaye uwa mbere muri U23, akabona n’undi ko yabaye uwa mbere mu bakuru.”

Hagati aho Furaha asobanura ko akanama kemeje ko urutonde rwa U23 ruzaba ukwarwo n’urw’abakuru rukaba ukwarwo.

Ndayisenga nawe yari yamze kwemezwa n’Impuzamashyirahamwe y’umukino wo gusiganwa ku magare muri Afurika kabona umudari kuko muri ku rutonde rw’abakuru yabaye uwa gatatu n’ubwo muri rusange yarangije ari k’uwa gatanu.

Byongeye Furaha avuga ko n’abantu bashinzwe gupima ibiyobyabwenge bajyanye abakinnyi batsindiye imidari na Valens baramujyana. Isiganwa ryarangiye saa sita zibura iminota mike ariko imidari itangwa saa kumi, ari bwo hatangajwe ko Ndayisenga nta mudari yambikwa.

Urutonde rw’ababonye imidari:

1. Teshom Meron – Eritrea 53:16′ (umudali wa zahabu mu bakuru)

2. Debod Stefan (U23) – Afurika y’Epfo +26′ (umudali wa zahabu mu batarengeje imyaka 23 n’Umuringa)

3. Awet Habtom (U23) – Eritrea +49′ (umuringa mu U23 na bronze muri rusange)

4. Smit Willem – Afurika y’Epfo +1’08”

5. Ndayisenga Valens – Rwanda +2’51”

6. Naser Islam – Misiri 2’58”

7. Areruya Joseph (U23) – Rwanda +3’38” (umudali wa bronze mu batarengeje imyaka 23)

Areruya Joseph(uwa kabiri uturutse iburyo) yegukanye umudari wa bronze mu batarengeje imyaka 23
Ndayisenga Valens (hagati) yabuze umudari yari yemerewe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza