Umubiligi Van Damme uziyamamariza kuyobora UCI ari mu batangiza Tour du Rwanda

Yanditswe na Philbert Girinema
Kuya 13 Ugushyingo 2016 saa 10:11
Yasuwe : XX
0

Umuyobozi w’Ishyirahamwe ry’umukino w’amagare mu Bubiligi, Tom Van Damme, ushaka kwiyamamariza kuyobora Ishyirahamwe ry’uyu mukino ku Isi, UCI, ari mu banyacybahiro baza gutangiza Tour du Rwanda 2016 kuri iki Cyumweru.

Nk’uko Ishyirahamwe ry’umukino w’amagare mu Rwanda Ferwacy ribitangaza, uyu muyobozi yageze mu Rwanda kuwa Gatandatu tariki 12 Ugushyingo akaba aje kwifatanya n’Abanyarwanda muri Tour du Rwanda 2016 ariko anashaka amajwi yazamufasha kugera ku ntebe yo kuyobora UCI mu matora ateganyijwe umwaka utaha wa 2017.

Van Damme azaba ahanganye na Michael Brian Cookson uyobora iri shyirahamwe kuva muri 2013 ariko akaba yaramaze gutangaza ko ubwo manda y’imyaka ine yari yaratorewe izaba irangiye muri 2017 azongera kugerageza amahirwe.

Si ugushaka amajwi gusa byazanye Van Damme mu Rwanda kuko amashyirahamwe y’umukino w’amagare muri ibi bihugu byombi, muri Werurwe 2016 yashyize umukono ku masezerano y’imyaka ine y’ubufatanye agamije guteza imbere uyu mukino.

Tour du Rwanda 2016 iratangira kuri iki Cyumweru tariki 13 Ugushyingo saa 11:00 abasiganwa bari mu makipe 15 bazenguruka kuri Stade Amahoro i Remera mu gace kabanziriza irushanwa (Prologue) ku ntera ya kirometero 3,3.

Perezida wa Ferwacy Bayingana Aimable ubwo yari kumwe na Van Damme nyuma yo gusinya amasezerano y'ubufatanye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza