Kwamamaza

Amavubi U-20: Mashami yahamagaye abakinnyi 26 barimo ukina muri Suède

Yanditswe kuya 1-11-2016 saa 11:41' na Manzi Lema Jules


Mashami Vincent wahawe kujyana Amavibi y’abatarengeje imyaka 20 mu irushanwa yatumiwemo muri Maroc rizakinwa hagati ya tariki 9-13 Ugushyingo 2016, yatangaje abakinnyi 26 azajyana barimo Ahishakiye Nabir ukina muri Suède uhamagawe bwa mbere mu Mavubi.

Iyi kipe igomba gutangira imyitozo kuri uyu wa Kabiri ku Kibuga cy’i Shyorongi gusa abakinnyi basanzwe bakina mu makipe y’icyiciro cya mbere bazasubira mu makipe yabo gutegura imikino yo mu mpera z’icyumweru bongera guhura n’abandi ku Cyumweru berekeza muri Maroc.

Mu kiganiro na IGIHE, Mashami yavuze ko iri rushanwa bagiyemo nta gikombe bazaba bahanganira (kuko kidahatanirwa) ahubwo Ferwafa yamusabye kujyana abo bana kugira ngo babone ubunararibonye.

Ati “Ni irushanwa ryo mu rwego rw’ubufatanye nk’uko nabisobanuriwe ariko ku ruhande rwacu icyo rizatumarira ni ugufasha abana kugira ubunararibonye kuko nta gikombe gitangwamo ngo tuvuge ko tugiye kugihanganira.”

Uretse Maroc yariteguye nta yandi makipe u Rwanda ruzi bazahangana kuko urutonde rwayo ruzajya ahagaragara ibihugu byose byatumiwe bifitanye amasezerano n’Ishyirahamwe ry’Umupira muri Maroc bimaze kuhagera.

Amavubi nava muri Maroc, Mashami n’abo bazafatanya gutoza iyi kipe barimo Gatera Moussa usanzwe atoza Isonga FC bazahita batangira gutegura irindi rushanwa rya COSAFA batumiwemo muri Afurika y’Epfo rizaba hagati ya tariki 7 na 16 Ukuboza.

Urutonde rw’abakinnyi 26 bahamagawe

Kimenyi Yves (APR FC), Nsanzurwanda Jimmy Djihad (Isonga FC), Hategekimana Bonheur (Kiyovu Sports), Kwizera Janvier (Bugesera FC)

Nsabimana Aimable (APR FC), Ndikumana Patrick (Mukura VS), Niyonkuru Aman (Bugesera FC), Sibomana Arafati (Amagaju FC) Ahoyikuye Jean Paul (Kiyovu Sports), Mugisha Francois (Rayon Sports), Nshimiyimana Marc (APR Academy),

Ntwari Jacques (Bugesera FC), Nshuti Dominique Savio (Rayon Sports) ,Nkinzingabo Fiston (APR FC), Muhire Kevin (Rayon Sports), Ngabonziza Narcisse (Kiyovu Sports), Ishimwe Claude (Isonga FC), Bakundukize Innocent (APR Academy)

Ahishakiye Nabir (Scandinavia), Itangishaka Blaise (APR FC), Niyibizi Vedaste (Sunrise FC), Nshuti Innocent (APR FC), Manishimwe Djabel (Rayon Sports), Biramahire Abeddy (Police FC), Kwizera Tresor (Mukura VS), Usabimana Olivier (Marines FC).

Savio Nshuti Dominique usanzwe ari kapiteni w'iyi kipe nawe yahamagawe
Iri rushanwa Amavubi agiyemo nta gikombe uryegukanye ahabwa
Manishimwe Djabel ari mu bakinnyi bazerekeza muri Maroc

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved