Amavubi yateye intambwe nziza ku rutonde rwa FIFA, Brazil iyobora isi

Yanditswe na Manzi Rema Jules
Kuya 10 Kanama 2017 saa 12:08
Yasuwe :
0 0

Ikipe y’igihugu Amavubi yari imaze igihe kinini isubira inyuma ku rutonde rwa FIFA, ku rwasohotse kuri uyu wa Kane tariki 10 Kanama 2017, yazamutse imyanya umunani igera ku 119 mu gihe Brazil yisubije umwanya wa mbere ihigitse u Budage.

Amavubi yitwaye neza mu mikino itatu aheruka gukina, anganya kabiri na Tanzania mu mikino y’amajonjora yo gushaka itike ya CHAN 2018 anatsinda Sudani ibitego 2-1 mu mukino wa gicuti.

Uyu musaruro watumye iyi kipe yari imaze iminsi isubira inyuma ku rutonde ngarukakwezi rwa FIFA rugaragaza uko ibihugu bikurikirana, itera intambwe ijya imbere ho imyana umunani, iva ku 127 igera ku 119.

Iyi kipe yitegura guhura na Uganda kuri uyu wa Gatandatu mu ijonjora rya nyuma ryo gushaka itike ya CHAN, kuri ubu ni iya 34 muri Afurika naho Uganda ikaba iya 15 ari na yo iyoboye Akarere ka Afurika y’u Burasirazuba.

Ibihugu 10 bya mbere muri Afurika ni Misiri ya mbere ikaba iya 25 ku isi, Congo Kinshasa (28), Senegal (31), Tunisia (34), Cameroun (35), Nigeria (38), Burkina Faso (47), Algeria (48), Ghana (50) na Cote d’Ivoire (54).

Ibihubu 10 bya mbere ku isi biyobowe na Brazil, u Budage, Argentine, u Busuwisi, Pologne, Portugal, Chile, Colombia, u Bubiligi n’u Bufaransa.

Ikipe y'igihugu, Amavubi yitegura imikino yo gushaka itike y’igikombe cya Afurika cy’Abakina imbere mu bihugu byabo, CHAN 2018

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza