Kwamamaza

Impinduka mu bakinnyi 11 Rayon Sports ibanza mu kibuga icakirana na AS Kigali

Yanditswe kuya 30-10-2016 saa 12:59' na IGIHE


Rayon Sports yamaze gushyira ahagaragara abakinnyi 11 iza kubanza mu kibuga kuri iki Cyumweru tariki 30 Ugushyingo ihanganye na AS Kigali ku mukino w’umunsi wa gatatu wa shampiyona saa 15:30 kuri Stade ya Kigali.

Bwa mbere muri shampiyona, abakunzi ba Rayon Sports bagiye kubona amahirwe yo kureba rutahizamu Moussa Camara wigaragaje cyane mu mikino y’irushanwa rya AS Kigali n’imikino ya gicuti yakinnye irimo uheruka yavukiniyeho amaze gutsinda AS Kigali ibitego bibiri wenyine.

Kuva yavunika tariki 8 uku kwezi, ntiyari yagaragara mu mukino n’umwe wa shampiyona yatangiye ku itariki 14 Rayon Sports inyagira Police FC 3-0 ndetse no ku munsi wa kabiri inganya na Espoir FC 0-0.

Iyi kipe yanagaruye myugariro Manzi Thierry wari ufite imvune yatumye atagaragara ku mukino uheruka ariko iraza gukina idafite kapiteni Ndayishimiye Eric Bakame umutoza yahisemo kwicaza agaha Mutuyimana Evariste amahirwe yo gukina umukino wa mbere kuva yaza muri iyi kipe.

Abakinnyi 11 bakina na AS Kigali

Mutuyimana Evariste, Munezero Fiston, Manzi Thierry, Irambona Eric, Nzayisenga Jean d’Amour bita Mayor, Niyonzima Olivier Sefu, Manishimwe Djabel, Nahimana Shassiir, Kwizera Pierrot, Dominique Nshuti Savio na Moussa Camara.

Myugariro Manzi Thierry utaragaragaye ku mukino wa Espoir FC yagarutse
Kwizera Pierrot (ufite umupira) arongera abe kapiteni kuko Bakame yashyizwe ku ntebe y'abasimbura
Ndoli Jean Claude agiye kongera guhura na Moussa Camara wamuhindukije kabiri mu mukino wa gicuti
No ku mukino wa gicuti hagati y'aya makipe, kapiteni Bakame (iburyo) yari yabanje hanze
Rutahizamu Moussa Camara yagarutse nyuma yo kuvunikira ku mukino wa gicuti wabahuje na AS Kigali

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved