Serena Williams, nimero ya kabiri ku isi muri Tennis aratwite

Yanditswe na Mukaneza M.Ange
Kuya 20 Mata 2017 saa 08:05
Yasuwe :
0 0

Nyuma y’igihe bivugwa ariko ntabyemeze cyangwa ngo abihakane, Umunyamerikakazi Serena Williams, umwe mu bagore bakomeye mu mukino wa Tennis, yemeje ko atwite kandi azibaruka muri Nzeri uyu mwaka.

Mbere y’uko abakurikiranira hafi inyungu ze bemeza amakuru ku gutwita kwe, Serena w’imyaka 35 ku wa Gatatu yabanje gushyira ku rubuga rwa Snapchat ifoto yanditseho ngo ‘ibyumweru 20’ariko yahise ayisiba.

BBC dukesha iyi nkuru ivuga ko gutwita k’uyu mugore uza ku mwanya wa kabiri mu bakinnyi ba Tennis b’ibihe byose, bizatuma atabasha kwitabira amarushanwa akomeye arimo French Open, Wimbledon na US Open.

Igihe yaramuka yongeye gukina mu gihe kitarenze umwaka abyaye, Williams yakwemererwa kugumana umwanya we hagendewe ku mabwiriza y’Ihuriro ry’abagore bakina Tennis (WTA).

Serena Williams, uvukana na Venus Williams nawe wamenyekanye mu mukino wa Tennis, yemeranyije kurushinga na Alexis Ohanian, umwe mu bashinze urubuga rwa Reddit.

Serena yashyize hanze ifoto yanditseho ngo 'ibyumweru 20' ariko aza kuyisiba
Ni umukinnyi wa Kabiri ku isi muri Tennis mu bagore
Agiye kumara igihe kinini adakina umukino wa Tennis

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza