Kwamamaza

Basketball: REG na BK biyongereye ku makipe azakina shampiyona ya 2016/2017

Yanditswe kuya 24-10-2016 saa 13:10' na Manzi Rema Jules


Amakipe ya BK na REG yemerewe kuzitabira ku nshuro ya mbere shampiyona ya Basketball mu Rwanda y’uyu mwaka, itaramenyekana itariki izatangiriraho.

Aya makipe yombi yari yanditse asaba kuba abanyamuryango b’Ishyirahamwe ry’umukino wa basketball ndetse no gutangira kwitabira shampiyona. Yabyemerewe mu nama y’Inteko rusange y’iri shyirahamwe (Ferwaba), yateranye kuri iki cyumweru tariki 23 Ukwakira 2016 mu cyumba cy’inama cya Minispoc.

Umuyobozi wa Ferwaba, Desiré Mugwiza, yatangaje ko muri iyi nama basuzumye ubusabe bwa Banki ya Kigali (BK) na REG (Ikigo cy’igihugu gishinzwe ingufu mu Rwanda) bw’uko amakipe yabo yazitabira shampiyona, biza kwemerwa.

Ati “BK na REG basabye ko baba abanyamuryango ndetse bakanemererwa kuza mu bikorwa bitegurwa n’Ishyirahamwe ry’umukino wa Basketball. Nk’uko rero babisabye, Inama y’Inteko rusange ni yo yabemereye, turaza kubasubiza imyanzuro yafashwe.”

Mugwiza yavuze ko kuba hari ibigo bikomeye nk’ibi biri guhagurukira umukino wa Basketball, ari amahirwe akomeye ku iterambere ryawo haba mu kuzamura impano zitandukanye ariko by’umwihariko mu kongera uguhangana hagati y’amakipe asanzwe akina uyu mukino bitewe n’uko ibi bigo biba bifite ubushobozi ndetse na gahunda zabyo zigaragaza intego ihamye.

Muri iyi nama kandi ikipe ya 30 Plus BBC yari yarasabye kuba ihagaritse kwitabira shampiyona umwaka ushize ikanabyemererwa, ubu yongeye gusaba kugaruka ndetse birakirwa, bivuze ko uyu mwaka shampiyona izitabirwa n’ikipe 30 Plus yagarutse n’andi 10 yari yayitabiriye umwaka ushize.

Ntihemejwe itariki shampiyona igomba gutangiriraho kuko hakiri ibigomba kubanza kwigwaho nk’ibibuga, ivugururwa ry’amategeko agenga amarushanwa hashyirwaho komisiyo zishinzwe kubikurikirana n’ibindi.

Inama nk’iyi izongera guterana tariki 6 Ugushyingo 2016 ari na bwo igihe cyo gutangiriraho shampiyona kizamenyekana.

Mugwiza uyobora Ferwaba (hagati) avuga ko bemereye BK na REG nyuma yo gusuzuma ubusabe bwabo bagasanga nta kibazo
Abayobozi b'amakipe yose akina shampiyona ya Basketball mu Rwanda yari yitabiriye Inama y'Inteko rusange
30 Plus BBC yo ngeye kugaruka muri shampiyona nyuma yo kudakina iy'umwaka ushize ku bushake

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved