00:00:00 IGIHE NETWORK KN KINYARWANDA EN ENGLISH FR FRANCAIS

Ikipe izegukana Shampiyona y’u Rwanda ntizakina amajonjora ya BAL 2022

Yanditswe na Eric Tony Ukurikiyimfura
Kuya 15 Ukwakira 2021 saa 08:44
Yasuwe :
0 0

Ikipe izegukana Shampiyona y’u Rwanda y’umukino wa Basketball, izahita ibona itike yo gukina imikino ya nyuma y’irushanwa rya Basketball Africa League ry’umwaka utaha (BAL 2022), aho Umujyi wa Kigali uzakira imikino izahuza amakipe ane ya nyuma.

Ku wa Gatatu w’iki Cyumweru ni bwo FIBA Afrique yatangaje uburyo hazakinwa BAL 2022 n’ibihugu bitazaca mu majonjora y’iri rushanwa.

U Rwanda rwakiriye irushanwa ry’uyu mwaka, ryabaye muri Gicurasi, Patriots BBC yari iruhagarariye igasoreza ku mwanya wa kane, rwakuriweho guca mu majonjora.

Irushanwa rya BAL ryitabirwa n’amakipe 12 yo mu bihugu 12 bitandukanye bya Afurika, ariko amakipe atandatu muri ayo akabanza guca mu majonjora.

Ni ko byari byagenze kuri Patriots BBC ubwo hashakwaga itike ya BAL 2021, ikina amajonjora abiri arimo irya mbere ryabereye muri Tanzania n’irindi ryabereye i Kigali.

Gusa, kuri iyi nshuro, u Rwanda rwasimbuye Maroc mu bihugu amakipe yabyo atazaca mu majonjora. Mu irushanwa riheruka kubera i Kigali, Abarabu bari bahagarariwe na AS Salé yaviriyemo muri ¼.

Ibindi bihugu bitanu bizagumana itike yo kwitabira BAL amakipe yabyo atanyuze mu majonjora ni Angola, Misiri, Nigeria, Sénégal na Tunisia.

Ikipe izatwara igikombe muri Maroc, izinjirira mu ijonjora rya kabiri rizahuza amakipe 16 mu Ugushyingo uyu mwaka.

Ubwo habaga BAL ku nshuro ya mbere, yegukanywe na Zamalek yo mu Misiri itsinze US Monastir yo muri Tunisia amanota 76-63 ku mukino wa nyuma wabereye muri Kigali Arena.

Uko amakipe azahura mu ijonjora rya mbere rya BAL 2022:

Agace k’Uburengerazuba

Itsinda A (Conakry, 26-31 Ukwakira)

  • A.S Police (Mali)
  • Boufark (Algeria)
  • Predio Basketball (Cape Verde)
  • S.L.A.C (Guinea)

Itsinda B (Conakry, 26-31 Ukwakira)

  • Academe D’or des Archers (Burkina Faso)
  • ASPAC (Bénin)
  • A.S NIGELEC (Niger)
  • Societe Omnisport de Armee (Côte d’Ivoire)

Itsinda C (Yaoundé, 26-31 Ukwakira)

  • CB Mazembe (DRC)
  • Police (Cameroun)
  • Malabo Kings (Guinée Equatoriale)
  • Tondema (Centrafrique)
  • Gabon (TBC)

Agace k’Uburasirazuba

Itsinda D (Dar es Salaam, 26-31Ukwakira)

  • A.S.C.U.T (Madagascar)
  • COBRA Sport (Sudani y’Epfo)
  • Hawassa City (Ethiopia)
  • Ulinzi Warriors (Kenya)

Itsinda E (Dar es Salaam, 26-31 Ukwakira)

  • Bravehearts (Malawi)
  • City Oilers (Uganda)
  • Kurasini Heats (Tanzania)
  • New Stars (Burundi)

Itsinda F (Johannesburg, 19-24 Ukwakira)

  • Cape Town Tigers (Afurika y’Epfo)
  • Ferroviario da Beira (Mozambique)
  • Matero Magic (Zimbabwe)
  • Roche Bois Warriors (Mauritius)
Patriots BBC yahagarariye u Rwanda muri BAL 2021, yasoreje ku mwanya wa kane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .