NBA Playoffs: James Harden yafashije Houston Rockets kwigaranzura Golden State mu mukino wa kane

Yanditswe na Eric Tony Ukurikiyimfura
Kuya 7 Gicurasi 2019 saa 12:43
Yasuwe :
0 0

Imikino ya nyuma ya Shampiyona ya Basketball muri Amerika, NBA, igeze ahakomeye, aho mu rukerera rwo kuri uyu wa Kabiri, Houston Rockets yatsinze Golden State Warriors amanota 112-108 mu mukino wa kane uhuje aya makipe yo mu Gace k’Uburengerazuba.

Houston Rockets ibifashijwemo na James Harden watsinze amanota 38 muri uyu mukino, yahise inganya imikino ibiri na Golden State Warriors yatsinze iyo yabanje kwakira.

Muri uyu mukino wa kane wahuje amakipe yombi, James Harden yatsinzemo amanota 38 ku ruhande rwa Houston Rockets yakiniraga mu rugo ku kibuga cya Toyota Center.

Christopher Emmanuel Paul yatanze imipira itanu yavuyemo amanota kuri bagenzi be mu gihe Harden yasamye imipira 10 iva mu nkangara.

Ku ruhande rwa Golden State Warriors, Kevin Durant yongeye kwerekana ko ari umukinnyi ukomeye, atsinda amanota 34 mu gihe Stephen Curry yatanze imipira umunani yavuyemo amanota kuri bagenzi be naho Draymond Green asama imipira 10 iva ku nkangara.

Nyuma yo kunganya imikino ibiri, amakipe yombi azakomeza guhatana atanguranwa gutsinda ine muri irindwi ishoboka.

Umukino wa gatanu hagati y’aya makipe uzaba mu rukerera rwo ku wa Kane tariki ya 9 Gicurasi 2019 guhera saa 04:30 muri California; uzakinirwa ku kibuga cya Golden State Warriors ‘Oracle Arena’.

Aya ni amateka agiye kwisubiramo kuko mu mwaka ushize, Warriors yasezereye Houston nyuma y’imikino irindwi yahuje amakipe yombi.

Andi makipe ari muri ½ mu Gace k’Uburengerezuba ni Portland Trail Blazers na Denver Nuggets na zo zinganya imikino 2-2 kugeza ubu.

Mu wundi mukino wabaye mu ijoro, mu Gace k’Uburasirazuba, Milwaukee Bucks yatsinze Boston Celtics amanota 113-101 mu mukino wa kane. Bucks imaze gutsinda imikino 3-1.

Muri aka gace kandi Philadelphia 76ers na Toronto Raptors ziranganya imikino ibiri kuri ibiri muri ine imaze kuzihuza.

Houston Rockets na Golden State Warriors ashobora kwisobanura mu mikino ibiri iri imbere cyangwa hakitabazwa uwa karindwi
Green Draymond atsindana amanota Umusuwisi Clint N'Dumba Capela wa Houston Rockets
James Harden yatsinze amanota 38 mu mukino wa kane wahuje Houston Rockets na Golden State Warriors
Kevin Durant agerageza kubuza James Harden kwinjiza umupira mu nkangara
Wardell Stephen Curry II wa Golden State Warriors yitwaye neza muri uyu mukino

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza