IGIHE.com > Imikino > Football
Amavubi  atangiranye intsinzi muri CECAFA  atsinda Malawi 2-0

Amavubi atangiranye intsinzi muri CECAFA atsinda Malawi 2-0


Yanditswe kuya 26-11-2012 - Saa 19:05' na Mathias Hitimana na Elisée Mpirwa

Mu mukino wa mbere Amavubi yakinnye mu gikombe cy’amakipe yo mu karere ka Afurika y’Iburasirazuba n’iyo hagati (CECAFA), yatangiye yitwara neza imbere y’ikipe ya Malawi atsinda 2-0.

Amavubi yishimira igitego cya Migi

Ku munota wa 32, Jean Baptiste Mugiraneza (Migi) wambara nimero indwi yafunguye izamu ry’ikipe ya Malawi. Ku munota wa 25 w’igice cya kabiri, Haruna Niyonzima yinjije icya kabiri.

Malawi na yo yagerageje gushaka uburyo bwo kwishyura ariko ntibyayihira kuko amavvubi yakomeje gusatira kugeza ku munota wa nyuma.

Umutoza w’Amavubi Sredojevic Milutin Micho yajyanye Abakinnyi 20.
Mu izamu hari Ndoli Jean Claude, Ndayishimiye Jean Luc Bakame na Nzarora Marcel.

Abakina inyuma hagiye Michel Rusheshangoga, Bariyanga Hamdan, Emery Bayisenge, Nshutinamagara Ismael Kodo, Twagizimana Fabrice na Ngirinshuti Mwemere.

Hagati : Mugiraneza Jean Baptiste Migi, Uwimana Jean d’Amour, Ntamuhanga Tumaine Titi, Niyonzima Haruna, Tibingana Mwesigye Charles na Jean Claude Iranzi.

Ba rutahizamu, Umutoza yajyanye Daddy Birori, Sina Jerome, Jimmy Mbaraga, Imran Nshyimiyimana na Mubumbyi Bernabé.

Amavubi ari mu itsinda rya gatatu ririmo Malawi, Zanzibar na Eritrea, ikipe ikaba ibashije gutsinda umukino wayo wa mbere.

Umutoza Micho w’ikipe y’Amavubi yabwiye umunyamakuru wa Super Sports nyuma y’umukino ko n’ubwo batsinze hakiri byinshi byo gukosora cyane cyane muri ba myugariro kuko hagaragayemo ibibazo byo guhuzagurika inshuro nyinshi byashoboraga no kuvamo gutsindwa bikomeye.

Mu itsinda u Rwanda ruherereyemo hakinwe undi mukino wahuje Zanzibar na Eritrea aho warangiye baguye miswi nta n’umwe ubashije kureba mu izamu rya mugenzi we.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO