Kwamamaza

Amavubi azitabaza abakinnyi 10 babigize umwuga

Yanditswe kuya 15-03-2013 saa 08:50' na Thamimu Hakizimana
     


Umutoza w’ikipe y’igihugu “Amavubi”, Milutin Sredojevic Micho, yasohoye urutonde rw’abakinnyi 24, ku wa 14 Werurwe, azitabaza mu gushakisha itike y’igikombe cy’Isi kizabera muri Brasil mu 2014.
Nk’uko umutoza Micho yabitangaje, abakinnyi 24 yahamgaye barimo 10 bakina hanze ari na bo azitabaza ku mukino wa gicuti uzahuza Amavubi na Libiya, ku itariki ya 20 Werurwe 2013 uzabera mu Rwanda.
Yakomeje avuga ko abakinnyi babigize umwuga bakina hanze y’igihugu ko biteganijwe ko uwa nyuma azagera mu (...)

Umutoza w’ikipe y’igihugu “Amavubi”, Milutin Sredojevic Micho, yasohoye urutonde rw’abakinnyi 24, ku wa 14 Werurwe, azitabaza mu gushakisha itike y’igikombe cy’Isi kizabera muri Brasil mu 2014.

Nk’uko umutoza Micho yabitangaje, abakinnyi 24 yahamgaye barimo 10 bakina hanze ari na bo azitabaza ku mukino wa gicuti uzahuza Amavubi na Libiya, ku itariki ya 20 Werurwe 2013 uzabera mu Rwanda.

Yakomeje avuga ko abakinnyi babigize umwuga bakina hanze y’igihugu ko biteganijwe ko uwa nyuma azagera mu Rwanda ku itariki ya 19 Werurwe 2013.

Ikipe y’Igihugu “Amavubi” mu itsinda H irimo, amakipe arigize uretse u Rwanda nta n’imwe itarakandagira mu mikino yo guhatanira igikombe cy’Isi. Muri iryo tsinda Benin iza ku isonga n’amanota 4, ikurikirwa na Mali na Algeria zinganya amanota 3 na ho u Rwanda rukaza ku mwanya wa nyuma n’inota rimwe.

Abakinnyi bahamagawe mu ikipe y’igihugu ariko bakina mu Rwanda baratangira umwiherero kuri uyu wa gatanu tariki 15 Werurwe 2013.

Abakinnyi bahamagawe

Mu izamu hahamawe Gerard Bikorimana (Rayon sport), Mutabazi Jean Paul (Muhanga Fc), Mutuyimana Evariste (Police FC) na Ndoli Jean Claude (APR FC).

Mu bakina inyuma hahamagawe Mbuyu Twite (Yanga), Steven Godfroid (Union Saint Giloise), Edwin Ouon (AEL), Solomon Nirisarike (Royal Anwerp), Usengimana Faustin (Rayon Sports), Abuba Sibomana (Rayon Sports), Twagizimana Fabrice (Police Fc) na Kalisa Mao (TP Mazembe).

Abakina hagati ni Iranzi Jean Claude (APR FC), Butera Andrew (APR FC), Tumaine Ntamuhanga (APR FC), Aphrodise Hategekimana (Rayon Sports), Haruna Niyonzima (Yanga), Patrick Sibomana (Isonga Fc) na Karekezi Olivier (CA Bizertin).

Ba rutahizamu : Elias Uzamukunda (AS Cannes), Peter Kagabo (Police FC), Jessy Reindorf (UR Namur), Dady Birori (As Vita) na Medie Kagere (Police FC).

Umutoza Milutin Sredojevic Micho na FERWAFA mu itangazwa ry'abakinyi bazakinira Amavubi
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved