Abakinnyi 11 ba Rayon Sports baserukana bwa mbere imyenda mishya i Rubavu (Amafoto)

Yanditswe na Ishimwe Israel
Kuya 5 Ugushyingo 2016 saa 01:35
Yasuwe : XX
0

Nyuma y’igihe kinini abakunzi ba Rayon Sports bategereje kureba ikipe yabo mu myenda mishya bakorewe n’uruganda rwa Errea, barayiserukana bwa mbere kuri uyu wa Gatandatu bakina na Marines FC kuri Stade Umuganda.

Ni umukino w’umunsi wa Kane wa Shampiyona y’icyiciro cya mbere mu Rwanda “Azam Rwanda Premier League”, aho iyi kipe y’i Nyanza yaraye i Rubavu, igomba kwisobanuramo na Marines FC itozwa na Nduhirabandi Abdoul Kalim bita ’Coka’ ikunda kuyigora cyane.

Rayon Sports ishaka amanota atatu yayifasha gufata umwanya wa mbere mu gihe Sunrise FC na APR FC zitakitwara neza, iraserukana imyenda mishya yamaze gushyikirizwa, abakinnyi bazajya bakinana uyu mwaka itandukanye n’iyo bakoresheje mu mikino itatu yabanje.

Uretse myugariro mushya wo ku ruhande, Senyange Ivan urwaye na Ange Mutsinzi uri mu bizamini, Rayon Sports iraba ifite abakinnyi bayo bose dore ko n’abari bahamagawe mu Mavubi y’abatarengeje imyaka 20 barimo Kevin Muhire, Savio Dominique Nshuti, Mugisha François na Manishimwe Djabel bajyanye n’ikipe.

Aba bakinnyi bari mu Mavubi mato biteganyijwe ko barangiza gukina uyu mukino bagahita basanga abandi bagafata indege berekeza muri Maroc aho bazitabira irushanwa batumiwemo ryateguwe n’Ishyirahamwe rya ruhago muri icyo gihugu.

Abakinnyi 11 Masoudi Djouma abanza mu kibuga:

Umuzamu: Ndayishimyiye Eric Bakame

Ba myugariro: Rwigema Yves, Irambona Eric, Munezero Fiston, Manzi Thierry

Abo hagati: Niyonzima Olivier Sefu, Kwizera Pierrot, Manishimwe Djabel,

Ba rutahizamu: Nshuti Dominique savio, Moussa Camara, Nahimana Shassir

Abasimbura: Mutuyimana Evariste, Nzayisenga Jean d’Amour, Mugisha François , Muhire Kévin, Nova Bayama, Nsengiyumva Moustapha, na Lomami Franck

Rayon Sports iracakirana na Marines yambaye imyenda mishya
Abakinnyi ba Rayon Sports bishimiye imyenda mishya bahawe
Abakinnyi bahawe n'imyenda yo kwambara mu gihe batari mu kibuga
Umwambaro Rayon Sports izajya yambara ku mikino yakiriye
Umwenda Rayon Sports izajya yambara yasuye andi makipe
Uretse abakinnyi, n'abayobozi bahawe imyenda mishya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza