Abakinnyi 11 bahenze bazagaragara mu gikombe cy’Isi

Yanditswe na Manzi Rema Jules
Kuya 8 Kamena 2018 saa 02:28
Yasuwe :
0 0

Mu bakinnyi 736 bazaba bahagarariye ibihugu 32 mu gikombe cy’Isi, harimo abaguzwe agatubutse mu makipe yabo bakinira nubwo bitemeza ko aribo bahanga cyangwa bakomeye ku myanya bakinaho mu bazitabira iri rushanwa risigaje iminsi ibarirwa ku ntoki.

Buri mukinnyi uhamagarwa n’igihugu cye ngo agihagararire mu gikombe cy’isi aba afite umwihariko runaka azwiho ariko si ko bose baba bafite agaciro kangana ku isoko cyangwa baraguzwe kimwe bajya mu makipe bakinira.

Ikinyamakuru talksport cyakoze urutonde rw’abakinnyi 11 kuva mu izamu kugera imbere bagiye batangwaho akayabo bazitabira igikombe cy’Isi bayobowe n’Umunya-Brazil Neymar Júnior Santos, watanzweho arenga miliyoni 198 z’amayero (€) ava muri FC Barcelona ajya muri Paris St-Germain umwaka ushize, akaba ariwe uhenze ku Isi.

Mu izamu iki kinyamakuri cyashyizemo Umunya-Brazil, Ederson Santana de Moraes wa Manchester City waguzwe miliyoni 35 € ava muri Benfica umwaka ushize.

Ba myugariro batatu nabo bose ni aba Manchester City barimo Umufaransa Benjamin Mendy waguzwe miliyoni 52 € ava muri AS Monaco ; Abongereza John Stones waguzwe miliyoni 48 € ava muri Everton na Kyle Walker waguzwe miliyoni 50 € ava muri Tottenham.

Hagati mu kibuga hari Umufaransa Paul Pogba waguzwe miliyoni 89 € ava muri Juventus ajya muri Manchester United ; Umunya-Colombie James Rodriguez waguzwe miliyoni 63 € ava muri AS Monaco ajya muri Real Madrid ; Umunya-Brazil Philippe Coutinho waguzwe miliyoni 142 € ava muri Liverpool ajya muri FC Barcelona na Neymar.

Abasatira izamu bayobowe n’Umunya-Portugal Cristiano Ronaldo watanzweho miliyoni 80 € ava muri Manchester United ajya muri Real Madrid n’Abafaransa Kylian Mbappe waguzwe miliyoni 166 € ava muri AS Monaco ajya muri PSG na Ousmane Dembele watanzweho miliyoni 97 € ava muri Borussia Dortmund ajya muri Barcelona.

Kylian Mbappe, Cristiano Ronaldo na Ousmane Dembele nibo bakinnyi b’imbere baguzwe akayabo n’amakipe bakinira ubu
Ba myugariro ba Manchester City, Benjamin Mendy , John Stones na Kyle Walker nibo batanzweho amafaranga menshi bazaba bakina inyuma mu gikombe cy’isi
Umunyezamu Ederson Santana de Moraes wa Brazil niwe waguzwe amafaranga menshi mu banyezamu bazitabira igikombe cy'isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza