Kwamamaza

Abanyamakuru ba siporo mu mukino utoroshye n’Abayobozi b’igihugu

Yanditswe kuya 4-11-2016 saa 07:47' na Jah d'eau DUKUZE


Ikipe y’abanyamakuru b’imikino bahuriye mu ishyirahamwe rya AJSPOR, kuri iki cyumweru barahurira mu mukino utoroshye na Vision 2020 yiganjemo abayobozi bakuru b’igihugu,uzakinirwa kuri Stade Amahoro hagamijwe kwizihiza umunsi nyafurika w’itangazamakuru.

Ni umukino wateguwe n’Inama y’Igihugu y’Itangazamakuru, ifatanyije n’abandi bafatanyabikorwa batandukanye barimo Ikigo cy’Igihugu gishinzwe imiyoborere, RGB ndetse n’Ishyirahamwe ry’Abanyamakuru mu Rwanda (ARJ), mu rwego rwo gutegura inama ya munani y’umushyikirano ku itangazamakuru izahurirana n’umunsi nyafurika w’itangazamakuru tariki ya 7 Ugushyingo.

Iyi ni inshuro ya kabiri Vision 2020 ihura na AJSPOR

Iyi ni inshuro ya kabiri ikipe ya Vision 2020 igiye guhura n’abanyamakuru b’imikino, dore ko aya makipe yombi yari yahuriye na none mu mukino nk’uyu muri Gicurasi umwaka ushize wa 2014 ubwo hizihizwaga umunsi w’ubwisanzure bw’itangazamakuru, hanahembwa abanyamakuru bahize abandi mu mwaka wari wabanje.

Uyu mukino na wo wari wakiniwe kuri Stade Amahoro, warangiye ikipe ya Vision 2020 yegukanye igikombe cyari cyateguwe n’Inama Nkuru y’Itangazamakuru, nyuma yo kunyagira abanyamakuru ibitego 6-2.

Nyuma y’uyu mukino ariko, iyi kipe ya AJSPOR yashoboye kwitwara neza mu mikino yakurikiye, aho yegukanye igikombe cyari cyateguwe na MTN itsinze abakozi b’iyi sosiyete ibitego 3-0, ndetse ikaza kunyagira abanyamakuru bo mu mahanga 3-1 mu mukino wa gicuti wabereye i Nyamirambo ubwo u Rwanda rwakiraga CHAN 2016.

Uretse iyi mikino yombi, AJSPOR yanatsinze abakozi ba Star Times 2-1, inganya n’abakozi ba Bralirwa 2-2 ndetse inanganya n’ikipe y’abagize Diaspora y’u Rwanda ibitego 2-2. Muri rusange, iyi kipe y’abanyamakuru b’imikino yatsinzwe imikino ibiri, mu mikino 14 yakurikiye uwo baherukaga kunyagirwamo na Vision 2020.

Ku rundi ruhande, Vision 2020, ni ikipe igaragaramo abayobozi bakuru b’igihugu, barimo Makuza Bernard, Perezida wa Sena, Abaminisitiri batandukanye, abagize Inteko Ishinhga Amategeko, abayobozi bakuru mu Ngabo, n’abandi.

Uyu mukino biteganyijwe ko uzabera kuri Stade Amahoro, kuri iki cyumweru tariki ya 06 Ugushyingo 2016 ku i saa tatu za mu gitondo(9:00).

Abakinnyi ikipe y’abanyamakuru b’imikino izakoresha

Abanyezamu: Pacifique Twagirimana (Intsinzi.rw),Bakaro Forodo (Radio Huguka)

Ba myugariro: Claude Hitimana (Flash FM), Kayitankore Dodos (Radio 1),Pacifique Mazimpaka (Radio Ishingiro),Habimana Sadi (Voice of Africa) ,Paccy Chris (Intsinzi.rw), Jado Dukuze (Radio 10), Butare Leonard (RBA)

Abakina hagati: Mucyo Antha (Radio Flash), Peter Kamasa (The New Times), Richard Nshimiye (Kigalihits.com),Twahirwa Abbas, David Mugaragu(Nibyo.rw) Mahoro Nasri (Radio Flash), Gentil Gedeon Ntirenganya (Kigali Today),Tom Happy (Ruhagoyacu.com).

Ba rutahizamu: Imanishimwe Sammy (Kigali Today), Bigirimana Guss (Isango Star), Kamana Joshua (Radio 10), Bonnie Mugabe (Ferwafa.rw), Denis Nkusi (Isango Star).

Abatoza : Uwihanganye Fuade (Radio 10), Jado Max (Radio Flash)

Ikipe ya Vision 2020 yiganjemo abari mu nzego z'ubuyobozi mu Rwanda
Sammy Imanishimwe wa Kigali Today(ibumoso) ni we uzaba uyoboye ubusatirizi bwa AJSPOR nyuma y'imvune ya Jean Luc Imfurayacu wa Radio 10(Iburyo)
Abanyamakuru b'imikino bari batsinzwe bikomeye mu mukino waherukaga guhuza aya makipe yombi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved