Abasaga ibihumbi 200 basabye ko umukino FC Barcelone yatsinzemo urunganda PSG usubirwamo

Yanditswe na Manzi Rema Jules
Kuya 13 Werurwe 2017 saa 03:30
Yasuwe :
0 0

Abantu bagera ku bihumbi 200 bamaze kwandika ubusabe bavuga ko umukino FC Barcelone iherutse gutsindamo PSG ibitego 6-1 wasubirwamo kuko umusifuzi wo mu Budage Deniz Aytekin yakozemo amakosa menshi.

Ubu busabe buri kuzuzwa bunyujijwe ku rubuga rwa internet rwa change.org bwatangijwe n’umufana wa Real Madrid witwa Luis Melendo Olmedo, wavuze ko hari amakosa menshi yabaye muri uyu mukino.

Muri ayo havugwamo ko igitego cya mbere Louis Suarez yatsinze kitari gikwiye kwemerwa kuko yari yaraririye, havugwamo kandi na penaliti yamukorewe yabyaye igitego cya gatanu kuri iyi kipe yo muri Espagne.

Nta mahirwe ahari ko uyu mukino wasubirwamo kuko PSG bivugwa ko yarenganyijwe nta kirego yigeze itanga, ariko abafana bo babyifuza bakomeje kwandika ku bwinshi kugeza ubu abasaga ibihumbi 200 bakaba bamaze kubisaba nk’uko goal.com ibitangaza.

Perezida wa FIFA Gianni Infantino ku wa Gatanu w’icyumweru gishize na we yagarutse ku makosa abasifuzi bakora avuga ko mu minsi iri imbere ikoranabuhanga ryo gusubiramo amashushu (video assistant referees (VARs) rizagira uruhare mu kugaragaza ayo makosa vuba agakosorwa.

Ku wa Kane kandi nibwo byatangajwe na Marca ko uyu Mudage Deniz Aytekin ashobora gufatirwa ibihano birimo kutazongera guhabwa gusifura imikino ikomeye ku mugabane w’u Burayi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244