Abasifuzi n’abakomiseri basuye Gangi urembeye mu bitaro by’i Rubavu

Yanditswe na Manzi Rema Jules
Kuya 17 Gashyantare 2017 saa 07:26
Yasuwe : XX
0

Ishyirahamwe ry’abasifuzi n’abakomiseri b’imikino mu Rwanda ryasuye Hategekimana Bonaventure “Gangi” urwariye bikomeye mu bitaro by’i Rubavu, bamushyikiriza inkunga bamukusanyirije.

Gangi wabaye umwe muri ba myugariro bakomeye b’Ikipe y’igihugu ‘Amavubi’, akanakinira amakipe menshi yo mu cyicyiro cya mbere harimo APR FC, Rayon Sports, Espoir FC, AS Muhanga, Musanze FC, arwaye ikibyimba mu ijosi, ariko nta bushobozi bwo kwivuza nyuma yo kubagwa.

Kagabo Issa wari mu basifuzi bahagarariye abandi yatangaje ko bagize igitekerezo cyo kujya kumusura, bamenya amakuru y’uburwayi bwe, kandi yarabanye cyane n’abasifuzi bahuriraga mu kibuga iminsi myinshi.

Si abasifuzi n’abakomiseri gusa bagize umutima wo gusura no gufasha Gangi kuko n’Ishyirahamwe ry’Abanyamakuru b’imikino mu Rwanda, AJSPOR, ryatangiye gukusanya ubufasha ngo harebwe ko haboneka inkunga ifatika yo kwita kuri uyu mukinnyi.

Hanateganyijwe umukino wa gicuti hagati y’abafana ba Rayon Sports babarizwa mu itsinda rya Gikundiro Forever na AJSPOR, kuwa 25 Gashyantare 2017 mu gukusanya inkunga yo kumuvuza.

Gangi afatwa nk'umwe mu bakinnyi beza b'inyuma Amavubi yagize

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza