Abouba na Mackenzi muri 30 Rayon Sports izakoresha mu mikino Nyafurika

Yanditswe na Uwishyaka Jean Louis
Kuya 5 Mutarama 2017 saa 04:01
Yasuwe :
0 0

Amakuru agera kuri IGIHE, avuga ko ku rutonde rw’abakinnyi 30 Rayon Sports yatanze mu mpuzamashyirahamwe y’umupira w’amaguru muri Afurika, CAF izakoresha mu irushanwa rya CAF Confederation Cup, hagaragaraho abakinnyi Nizigiyimana Karim Mackenzi na Sibomana Abouba, bombi bahoze bayikinira nyuma bakajya muri Gor Mahia na myugariro Rwatubyaye Abdoul wayitorotse nyuma yo kugurwa muri APR FC.

Rayon Sports yaherukaga gusohokera igihugu mu mikino Nyafurika ihuza amakipe yatwaye ibikombe iwayo (CAF Confederation Cup) mu 2015, aho yasezerewe na Zamalek yo mu Misiri ku giteranyo cy’ibitego 6 kuri 1 mu mikino y’amajonjora.

Umunyamabanga w’iyi kipe, Gakwaya Olivier, yatangarije IGIHE ko uyu mwaka bashaka guhindura amateka bakagera kure hashoboka ndetse ngo biteguye kongera abakinnyi bashya mu bo basanganywe kugira ngo bizere ko bafite ikipe ishobora kubigeraho.

Yagize ati “Intego ni ukwitwara neza muri aya marushanwa Nyafurika cyane ko amakipe yo mu Rwanda afite isura yo kuviramo mu majonjora. Twe dufite intego yo kurenga ayo majonjora tukareba ko hari aho twagera hadasanzwe kandi bikagira n’icyo bimarira ikipe yacu.”

“Turateganya kwinjizamo abakinnyi ariko nazabikubwiraho ari uko bigeze ku itariki ya nyuma yo gufunga isoko kuko ubu sinavuga ngo ni kanaka na kanaka tutararangiza kubasinyisha.”

Kuri uyu wa Gatatu, Gakwaya yari yatangarije IGIHE ko mu bakinnyi bamaze kuganira harimo na Sibomana Abouba ariko ko ntaho biragera ku buryo yabitangaza.

Gusa nubwo atashatse kwemeza ko Rayon Sports yamaze kumvikana na Sibonama na Mackenzi kugira ngo bongere kuyigarukamo nyuma y’imyaka hafi ibiri bayivuyemo, amakuru agera kuri IGIHE yemeza ko aba bakinnyi bombi bakina mu bwugarizi bari ku rutonde rw’abakinnyi Rayon Sports yatanze muri CAF izifashisha muri ayo marushanwa.

Undi mukinnyi mushya urimo ni myugariro Mugabo Gabriel iyi kipe iherutse kugura muri Police FC na Rwatubyaye Abdoul yaguze muri APR FC mu mpera z’umwaka ushize ariko agahita aburirwa irengero atayikiniye umukino n’umwe, gusa ikaba ikimufata nk’umukinnyi wayo.

Rayon Sports izabanza gusura Al Salam Wau yo muri Sudani y’Epfo mu mukino ubanza, uzaba hagati ya tariki 10,11 na 12 Gashyantare 2017 mu gihe umukino wo kwishyura uzabera i Kigali hagati ya tariki 17, 18 na 19 z’uko kwezi.

Abakinnyi Rayon Sports yatanze izifashisha:

1. Bashunga Abouba
2. Irambona Eric
3. Ishimwe Issa Zappy
4. Kakure Mugheni Fabrice
5. Kwizera Pierrot
6. Manishimwe Djabel
7. Nahimana Shasiir
8. Mussa camara
9. Mugisha François
10. Rwatubyaye Abdoul
11. Manzi Thierry
12. Romami Frank
13. Rutinywa Gonzarez
14. Rwigema Yves
15. Senyange Yvan
16. Muhire Kevin
17. Munezero Fiston
18. Mutuyimana Evariste
19. Ndayishimiye Eric Bakame
20. Niyonzima Olivier Sefu
21. Mutsinzi Ange
22. Nova Bayama
23. Nshuti Dominique Savio
24. Nsengiyumva Idrissa
25. Nsengiyumva Mustapha
26. Ndayisenga Jean d’ Amour
27. Sibomana Abouba
28. Nizigiyimana Karim Mackenzi
29. Mugabo Gabriel
30. Mukimbili Mahoro Nicolas

Abouba Sibomana ari mu bakinnyi Rayon Sports yatanze muri CAF bazayikinira mu mikino Nyafurika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244