Kwamamaza

Amagaju yatsinze Marines ku munota wa nyuma, Pablo aha ubutumwa Rayon Sports

Yanditswe kuya 26-11-2016 saa 19:53' na Jah d'eau DUKUZE


Umutoza w’ikipe y’Amagaju Nduwumwe Pablo,yatangaje ko yizeye kuzatsinda ikipe ya Rayon Sports mu mukino wa shampiyona ukurikira, nyuma yo kubona Tchabalala amutsindira igitego ku munota wa nyuma w’umukino batsinzemo Marines 1-0.

Uyu mukino wabereye kuri stade Umuganda, amakipe yombi yagaragaje urwego rutari hejuru, byanashimangiraga umusaruro yari afite muri shampiyona, aho yari amaze kubona inota rimwe mu mikino itanu yari yarakinnye mbere yo guhurira i Rubavu kuri uyu wa Gatandatu.

Pablo yizeye kuzagora Rayon Sports ubwo izaba yaje kuri iki kibuga

Ikipe ya Marines FC yari mu rugo, ni yo yabonye amahirwe menshi yo gutsinda, gusa ba rutahizamu bayo barimo Usabimana Olivier na Muvunyi Haruna, ntibashoboye kubona inshundura nubwo inshuro eshanu bagiye basigarana n’umunyezamu Shyaka Regis w’Amagaju.

Mu gihe byasaga nk’aho umukino ugiye kurangira nta kipe ibonye izamu ry’iyindi, Amagaju yaje kuzamukana umupira kuri ’Contre attaque’ maze Liliko Bakatola Yves wari wagiye mu kibuga asimbuye, ashobora kugeza umupira kwa Shabani Hussein iyi kipe yakuye muri Vitalo, na we akawukubita umutambiko w’izamu ugana mu rushundura, hari ku munota wa 90 w’umukino.

Nyuma y’iyi ntsinzi ya mbere iyi kipe y’i Nyamagabe ibonye muri shampiyona, umutoza wayo Nduwumwe Pablo, yashimiye Imana gusa atangaza ko azakomerezaho ku mukino bazakiramo Rayon Sports ku munsi wa karindwi wa shampiyona.

“Turishimye ko dukuye amanota hano. Ntabwo byari byoroshye, kuko twese(Marine n’Amagaju) twari dufite inota rimwe muri shampiyona”.

“Tugiye gukurikizaho Rayon Sports. Turabizi ko ari ikipe ikomeye ariko dufite icyizere ko tuzayikuraho amanota nta kabuza”.

Ikipe y’Amagaju, ni yo yonyine yashoboye kwanduza izamu rya Espoir magingo aya, iyitsinda igitego rukumbi imaze gutsindwa mu mikino itandatu ya shampiyona. Iyi kipe yo mu majyepfo ngo yizeye kubyuririraho ikazanabikora Rayon Sports mu mukino bazakina tariki ya 4 Ukuboza 2016.

Rayon Sports, ikomeje kuyobora shampiyona itinjizwa igitego, nyuma yo gukura intsinzi igoye kuri Bugesera y’igitego 1-0 cya Sefu, mu mukino wabereye kuri stade ya Kigali kuri uyu munsi.

Igitego cya Niyonzima Olivier Sefu ni cyo cyatandukanyije Rayon Sports na Bugesera

Uko imikino yagenze ku munsi wa gatandatu wa shampiyona

  • Rayon Sports 1-0 Bugesera Fc
  • Espoir Fc 2-0 Mukura
  • Marines Fc 0-1 Amagaju
  • Pepiniere Fc vs APR Fc (Wimuriwe tariki ya 14/12/ 2016)

Ku cyumweru tariki 27/11/2016

  • Musanze vs Police (Nyakinama)
  • Kirehe vs SC Kiyovu (Kirehe)
  • Etincelles vs Sunrise (Stade Umuganda)

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved