Kwamamaza

Amagambo Masudi yabwiye Irambona akamubera intwaro ikomeye

Yanditswe kuya 7-11-2016 saa 19:57' na Manzi Rema Jules


Myugariro wa Rayon Sports, Irambona Eric, yatangaje ko nyuma yo kubwirwa n’umutoza Masudi Djuma ko amufitiye gahunda ndende kandi ko agomba kongererwa amasezerano, ngo byamugaruriye icyizere bituma amateka mabi yagize umwaka ushize ayibagirwa.

Umwaka ushize w’imikino, Irambona Eric ntiyigeze abona umwanya uhagije wo gukina kuko Imanishimwe Emmanuel kuri ubu wagiye muri APR FC ariwe wari amahitamo ya mbere ku mwanya akinaho inyuma ku ruhande rw’ibumoso (kuri gatatu).

Ibi byatumaga n’igihe ahawe amahirwe akinishwa mu mwanya utari uwe.

Mu gihe shampiyona yari irangiye, Masudi Djuma amaze kongera amasezerano y’imyaka atoza iyi kipe, ngo yegereye uyu musore w’imyaka 23 amubwira ko atari mu bakinnyi yifuza gusezerera kuko agomba kumwubakiraho.

Irambona aganira na IGIHE yagize ati “Umwaka ushize byarangoye cyane kudakina n’igihe mbonye amahirwe bakashyira mu mwanya utari uwanjye. Ibi byatumaga nta musaruro ntanga ariko nanjye bikantera guta icyizere. Mu gihe basezereraga bamwe mu bakinnyi, umutoza yarambwiye ngo njye ntaho nzajya, anyizeza gusubira kumwanya wanjye kandi nkabona umwanya uhagije.”

Irambona umaze gukina imikino hafi ya yose iyi kipe imaze gukina (uretse uwa Espoir FC yari arwaye) kandi abanza mu kibuga, avuga ko aya magambo y’umutoza yamufashije cyane kongera kumva ko hari uruhare agomba kugira mu kwitwara neza kw’ikipe ye ari nayo mpamvu kugeza ubu umunota wose ahabwa ngo awufata nk’uwa nyuma akitanga bishoboka.

Ati “Kugeza ubu ndi umukinnyi uzi neza ko ngomba gufasha ikipe yanjye nkayiha ibyo mfite nta kwizigama. Kuva nagaruka ku mwanya wanjye biragenda neza ariko ndacyakeneye gukora cyane kuko abafana banshakaho byinshi kandi singomba kubatenguha.”

Irambona Eric wongereye amasezerano y’imyaka ibiri muri Rayon Sports, ubu ni umwe mu bakinnyi bahagaze neza by’umwihariko mu kugarira kuko iyi kipe itarinjizwa igitego na kimwe mu mikino ine ya shampiyona imaze gukinwa.

Uyu mukinnyi umaze igihe kinini muri iyi kipe kurusha abandi bose bayikinira, yatwaranye nayo igikombe cya shampiyona cya 2012/2013. Asaba abakunzi ba Rayon Sports gufatanya n’ubuyobozi kugira ngo ikipe ikomeze kwitwara neza nk’uko yatangiye kuko ngo uyu ari umwaka wo kongera kubashimisha bazamura igikombe cya shampiyona.

Nyuma yo kunyagira Marines FC ku wa Gatandatu, Rayon Sports iyoboye urutonde rwa shampiyona n’amanota 10, ntiratsindwa na rimwe yanganyije rimwe na Espoir FC 0-0, izigamye ibitego umunani.

Irambona akomeje kwitwara neza muri shampiyona y'uyu mwaka
Irambona (uwa gatatu ibumoso) muri uyu mwaka ni we mahitamo ya mbere ku ruhande rw'ibumoso inyuma muri Rayon Sports
Nubwo umwaka ushize Rayon Sports yatwaye igikombe cy'Amahoro, Irambona avuga ko utamubereye mwiza bitewe n'uko atakinnye bihagije

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved