Amakipe azakina umukino wa nyuma wa CAF Champions League yamenyekanye

Yanditswe na Eric Tony Ukurikiyimfura
Kuya 5 Gicurasi 2019 saa 10:35
Yasuwe :
0 0

Amakipe y’abarabu ya Espérance de Tunis yo muri Tunisia na Wydad Casablanca yo muri Maroc yabonye itike yo gukina umukino wa nyuma CAF Champions League kuri uyu wa Gatandatu, aho ku nshuro ya gatatu yikurikiranya, amakipe y’abarabu agiye kwishakamo iyegukana igikombe.

Mu mukino wabaye kuri uyu wa Gatandatu, Espérance de Tunis ifite igikombe giheruka yanganyije na TP Mazembe muri Congo Kinshasa ubusa ku busa, ikomeza ku gitego 1-0 yatsinze mu mukino ubanza wa ½ yakiriye.

Ku rundi ruhande na Wyadad Casablanca yabashije kwihagararaho muri Afurika y’Epfo, inganya na Mamelodi Sundowns ubusa ku busa. Iyi kipe yo muri Maroc yari yatsinze ibitego 2-1 mu mukino ubanza.

Uzaba ari umukino wa nyuma wa CAF Champions League wa kabiri uhuje Espérance na Wydad, aho abanya-Tuniziya begukanye igikombe batsinze ku giteranyo cy’igitego 1-0 mu mikino yombi yahuje aya makipe mu 2011.

Mu mikino ibiri ya nyuma iheruka, Wydad na Espérance zatsinze Al Ahly imaze kwegukana iri rushanwa inshuro umunani.

Wydad izakira Espérance mu mukino ubanza tariki ya 24 cyangwa iya 25 Gicurasi mu gihe uwo kwishyura uzakirwa ku ya 31 Gicurasi cyangwa iya 1 Kamena 2019. Ikipe izegukana igikombe izahabwa miliyoni 2.5 z’amadolari ya Amerika.

Mu gihe yakwegukana iri rushanwa ry’uyu mwaka, Espérance de Tunis izaba ibaye ikipe ya mbere yegukanye iri rushanwa yikurikiranya kuva Al Ahly ibikoze mu 2012 na 2013.

Iyi kipe yo muri Tunisia iherutse kwizihiza yubile y’imyaka 100, yageze ku mukino wa nyuma itsinze imikino irindwi, inganya itatu, aho yinjijemo ibitego 16, yinjizwa bitanu gusa. Iyi kipe yegukanye CAF Champions League mu 1994, 2011 na 2018.

Ku ruhande rwa Wydad Casablanca, yo imaze kwegukana iri rushanwa inshuro ebyiri, aho yaritwaye mu 1992 no mu 2017 mu gihe mu 2011 yatsindiwe ku mukino wa nyuma na Espérance de Tunis.

Mamelodi Sundowns yasezerewe n'abarabu ubwo yananirwaga gutsindira mu rugo
Esperance de Tunis yongeye kugera ku mukino wa nyuma wa CAF Champions League

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza