Amarira n’agahinda mu gushyingura Mutuyimana wari umunyezamu wa Rayon Sports (Amafoto)

Yanditswe na Manzi Rema Jules
Kuya 17 Nzeri 2017 saa 08:26
Yasuwe :
0 0

Mutuyimana Evariste wari umunyezamu wa Rayon Sports yashyinguwe kuri iki Cyumweru tariki ya 17 Nzeri 2017, mu irimbi ry’i Rusororo ahari hateraniye abakunzi b’iyi kipe n’ab’umupira w’amaguru benshi bagaragazaga agahinda n’umubabaro batewe n’urupfu rwa nyakwigendera.

Mutuyimana wavutse mu 1988 yitabye Imana kuwa Kabiri tariki 12 Nzeri azize urupfu rutunguranye kuko byamenyekanye ko yashizemo umwuka mu gitondo nyamara yari yaryamye ari muzima nk’ibisanzwe.

Urupfu rwa Mutuyimana rwabaye inkuru mbi ku bakunzi ba Rayon Sports n’abakinnyi bayo bagaragaje ko yabanaga neza na bagenzi be. Abayobozi bakuru muri siporo barimo Minisitiri wa Siporo n’Umuco, Uwacu Julienne n’Umuyobozi w’Ishyirahamwe ry’Umupira w’Amaguru ku Isi (FIFA), Gianni Infantino, batanze ubutumwa bw’ihumure ku muryango wa nyakwigendera.

Uyu munyezamu wari umaze umwaka muri Rayon Sports yasezeweho mu cyubahiro n’abo mu muryango we barimo nyina usanzwe aba muri Kenya; abakunzi b’ikipe yakiniraga ya Rayon Sports, ayo yanyuzemo nka Kiyovu Sports, Police FC, Sofapaka FC yo muri Kenya, ubuyobozi bwa Ferwafa, Komite Olempike n’abandi.

Uyu muhango wabanjirijwe n’igitambo cya misa cyaturiwe ku Kiliziya Regina Pacis i Remera saa 13h00 z’amanywa. I Rusororo byari agahinda kenshi kavanze n’amarira cyane cyane ku bo mu muryango wa Nyakwigendera batigeze babona n’uko bamusezera akiri muzima.

Mu ijambo rye, Perezida wa Rayon Sports, Gacinya Chance Denis, yijeje umuryango we kuzakomeza kuwuba hafi by’umwihariko buri tariki 12 Nzeri hakazajya hategurwa umukino wo kumwibuka ndetse amafaranga avuyemo akazajya afasha umwana w’umuhungu asize mu mibereho ye no gukomeza amasomo.

Mutuyimana yitabye Imana azize urupfu rutunguranye

Mutuyimana wari ufite imyaka 29 yamenyekanye akinira Kiyovu Sports na Police FC, yaje kuvamo yerekeza muri Sofapaka yo muri Kenya. Uyu munyezamu wanakiniraga ikipe y’Igihugu Amavubi yagarutse mu Rwanda muri Kanama 2016 nyuma yo kubengukwa na Rayon Sports, ikipe yari amazemo umwaka ndetse akaba yaratwaranye na yo igikombe cya Shampiyona ya 2016/2017.

Umurambo wa Mutuyimana usezerwaho bwa nyuma muri Kiliziya ya Regina Pacis i Remera
Bashunga Abouba (ibumoso) na Ndayishimiye Eric Bakame basimburanaga mu izamu na Mutuyimana bababajwe n'urupfu rwe
kwizera Pierrot (iburyo) na Mutsinzi Ange (hagati) muri Kiliziya ya Regina Pacis
Manzi Thierry na bagenzi be basezera bwa nyuma kuri Mutuyimana mu kiliziya
Abakinnyi ba Rayon Sports bari bafite agahinda ko kubura mugenzi wabo
Yasabiwe misa yo kumusezeraho
Umunyezamu wa Kiyovu Sports, Ndoli Jean Claude, na we yari ahari
Umutoza Okoko Godefroid mu batoza baherekeje Mutuyimana Evariste
Abakinnyi ba Rayon Sports nibo bari batwaye umurambo wa Mutuyimana
I Rusororo aho Mutuyimana yashyinguwe hari abantu benshi cyane
Umutoza w'abanyezamu muri Rayon Sports, Nkunzingoma Ramadhan (ibumoso) na Ndikumana Hamad Katauti ubwo bari mu muhango wo gushyingura Mutiyimana Evariste wari umunyezamu wa Rayon Sports
Perezida w'abafana ba Rayon Sports, Claude Muhawenimana (ibumoso)
Tidiane Kone na Kwizera Pierrot (iburyo) bambaye udupira turiho amafoto ya Nyakwigendera
Perezida wa Rayon Sports, Gacinya Denis, yijeje umuryango wa Mutuyimana kuzakomeza kuwuba hafi
Umufana wa APR FC uzwi nka Nyiragasazi yifatanyije na bagenzi be baherekeza Mutuyimana
Umutoza wa Rayon Sports, Karekezi Olivier yari kumwe n'umugore we Niwin Sorlu
Uru ni urwibutso rw'urukundo abakunzi ba Rayon Sports bakundaga Mutuyimana rwahawe umubyeyi we
Visi Perezida wa Ferwafa, Kayiranga Vedaste, yihanganishije umuryango wa Mutuyimana
Umubyeyi wa Mutuyimana yambitswe umudali umwana we yagombaga guhabwa mu irushanwa ry'Agaciro Development Fund
Inkweto n'uturindantoki Mutuyimana yakinanaga byose babimushyinguranye
Umwana w'umuhungu, Mutuyimana yasize
Nyina wa Mutuyimana niwe wabimburiye abandi gushyira indabo ku mva ye
Abafana ba APR FC na bo bashyigikiye umuryango wa Rayon Sports
Abahagarariye AS Kigali barimo Nshutinamagara Ismaël Kodo (iburyo) bashyira indabo ku mva
Abakinnyi bakinanaga na Mutuyimana muri Rayon Sports bamusezera bwa nyuma
Abari bahagarariye ikipe ya Sofapaka yo muri Kenya Mutuyimana yakiniye
Abari bahagarariye Police FC yamenyekaniyemo cyane
Abatoza ba Rayon Sports bashyira indabo ku mva ya Mutuyimana
Abayobozi ba Rayon Sports barimo Perezida wayo Gacinya na Martin Rutagambwa umwungirije basezera kuri Mutuyimana
Itsinda rya Gikundiro Forever riha icyubahiro Mutuyimana
Itsinda rya March Generation rizwi cyane mu gufana Rayon Sports naryo risezera bwa nyuma kuri Mutuyimana Evariste
Abahagarariye Kiyovu Sports, ikipe Mutuyimana yakiniye bamuha icyubahiro
Umufana ukomeye wa Rayon Sports, Ngenzahimana Bosco uzwi nka Rwabutabura, ashyira indabo ku mva ya Mutuyimana
Umunyamabanga wa Ferwafa, Uwamahoro Latifah Tharcille na Visi Perezida wayo, Kayiranga Vedaste, na bo bashyizeho indabo ku mva

Amafoto: Manzi Rema Jules


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza