Kwamamaza

Amavubi yatsindiwe muri Maroc;Blaise ahabwa amezi icyenda hanze y’ikibuga

Yanditswe kuya 10-11-2016 saa 22:49' na Jah d'eau DUKUZE


Ikipe y’igihugu y’abatarengeje imyaka 20 yatsinzwe ibitego 2-0 mu mukino wa mbere wa gicuti yakinagamo na Maroc kuri uyu wa Kane.

Amavubi U 20, yitabiriye irushanwa rya 1st Partners U20 Tournament ku butumire bwa Maroc, aho yajyanye intego yo kwitwara neza muri iri rushanwa rihuza abatarengeje imyaka 20 rigamije gufasha abakiri bato kugaragaza impano zabo mu rwego rwo gutegura abakinnyi beza b’ejo hazaza.

Ku ikubitiro, iri rushanwa ryagombaga guhuza ibihugu bigera kuri bitanu, gusa ibindi bihugu byagombaga kuryitabira birimo Palestine na Burkina Faso biza kwikuramo ku munota wanyuma, byatumye u Rwanda na Maroc ari byo bisigara muri iri rushanwa ryari rikinwe ku nshuro ya mbere.

Umukino wa mbere muri ibiri igomba guhuza ibi bihugu byombi, wakinwe kuri uyu wa Kane kuri Centre National de Football, Maamoura. Amavubi ya Mashami ni yo yatangiye neza umukino gusa ubusatirizi bwayo bwari buyobowe na Niyibizi Vedaste wa Sunrise ntibwabona inshundura.

Umutoza Mashami Vincent yagerageje gukora impinduka ngo arebe ko yabona igitego, gusa aza gutsindwa ibitego bibiri ku munota wa 81 na 88 bya Regragui Hamza Boussoufiane Hicham bituma u Rwanda rutakaza umukino ku bitego 2-0.
Aya makipe yombi, azongera ahurire mu mukino nk’uyu uzakinwa ku Cyumweru tariki ya 13 Ugushyingo saa 20:30.

Blaise Itangishaka yari yatsinze igitego ku mukino wabereye i Kigali ubwo aya makipe yombi yaherukaga gukina

Uretse uyu mukino, kuri uyu wa Kane kandi aho muri Maroc ni bwo Itangishaka Blaise wari watsindiye Amavubi igitego rukumbi yabonye mu mukino waherukaga guhuza aya makipe yombi i Kigali, yazaga gucishwa mu cyuma ngo barebe uburemere b’imvune yakuye mu mukino APR FC yanganyirijemo na Musanze 0-0.

Uyu musore wajyanwe muri Maroc ngo yitabweho n’abaganga b’inzobere, haje gusangwa yaragize ikibazo gikomeye mu ivi aho utugufa duto duhuza ivi twacitse(ligament croisé) ndetse basanga yaranagize utundi tubazo ku kibero. Ibi, nkuko amakuru ava muri Maroc abitangaza, bivuze ko azamara hanze y’ikibuga igihe kiri hagati y’amezi atandatu n’amezi icyenda.

Blaise yagize imvune ikomeye ubwo APR FC yanganyaga na Musanze 0-0

Abakinnyi bari babanje mu kibuga ku ruhande rw’Amavubi: Kimenyi Yves, Nsabimana Aimable, Mugisha François , Sibomana Arafat, Niyonkuru Aman(Yamini Salum), Ntwari Jacques, MuhireKevin, Nshuti Savio , Nkinzingabo Fiston(Biramahire Abeddy), Niyibizi Vedaste(Kwizera Trésor) na Manishimwe Djabel


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved