Kwamamaza

Amavubi y’abatarengeje imyaka 20 ntacyitabiriye irushanwa rya COSAFA

Yanditswe kuya 3-11-2016 saa 13:11' na IGIHE


Ikipe y’Igihugu, Amavubi y’abatarengeje imyaka 20 nticyitabiriye irushanwa rihuza ibihugu byo muri Afurika y’Amajyepfo (COSAFA), bitewe n’impungenge zuko nta myiteguro ihagije iyi kipe yabonye ndetse bishobora kubangamira imikino ya shampiyona.

Umuyobozi w’Ishyirahamwe ry’Umupira w’amaguru mu Rwanda, FERWAFA, Nzamwita Vincent de Gaulle yatangarije IGIHE ko bamaze kumenyesha COSAFA ko batacyitabiriye iri rushanwa.

Yagize ati “ Nibyo niko bimeze ntabwo tucyitabiriye iri rushanwa. Twandikiye COSAFA tuyibwira ko tutiteguye, twasanze bishobora kubangamira imikino ya shampiyona bitewe n’uko abakinnyi benshi bari muri iyi kipe babarizwa no mu makipe akina icyiciro cya mbere.”

U Rwanda rwahise rusimbuzwa ikipe y’Igihugu ya Repubulika Iharanira Demokarasi ya Congo mu irushanwa rya COSAFA rihuza amakipe y’ibihugu byo mu Majyepfo ya Afurika, rizatangira ku ya 7 kugeza 16 Ukuboza 2016.

Nzamwita yakomeje atangaza ko iki cyemezo bafashe nta ngaruka kizagira ku irushanwa ryo muri Maroc rizakinwa hagati ya tariki 9-13 Ugushyingo 2016.

Yagize ati “ Ikipe ntabwo yavuyeho kuko abakinnyi bahamagawe bazerekeza muri Maroc aho bazakina imikino itandukanye kandi n’iryo rushanwa twizera ko rizagira byinshi ribigisha."

Yakomeje atangaza ko impamvu bahisemo Maroc ari uko bafitanye amasezerano y’imikoranire.

Yagize ati "Maroc ifitanye amasezerano y’imyaka ine y’imikoranire na FERWAFA, ni nayo mpamvu yatumye duhitamo gukina irushanwa ryabo, kandi ryo rizaba mu gihe shampiyona yacu izaba yahagaze nta ngaruka bizagira."

Biteganyijwe ko Amavubi azerekeza muri Maroc ku itariki 6 Ugushyingo habura iminsi itatu ngo iri rushanwa ritangire.

Uretse Maroc yariteguye n’u Rwanda rwamaze gutangaza ko ruzaryitabira, urutonde rw’amakipe yose azarikina ruzajya ahagaragara ibihugu byose byatumiwe bifitanye amasezerano n’Ishyirahamwe ry’Umupira w’amaguru muri Maroc, birimo São Tomé & Príncipe, BurkinaFaso, Gambia, n’u Burundi bimaze kuhagera.

Urutonde rw’abakinnyi 26 bahamagawe n’umutoza, Mashami Vincent

Abazamu: Kimenyi Yves (APR FC), Nsanzurwanda Jimmy Djihad (Isonga FC), Hategekimana Bonheur (Kiyovu Sports), Kwizera Janvier (Bugesera FC)

Ba myugariro: Nsabimana Aimable (APR FC), Ndikumana Patrick (Mukura VS), Niyonkuru Aman (Bugesera FC), Sibomana Arafati (Amagaju FC) Ahoyikuye Jean Paul (Kiyovu Sports), Mugisha Francois (Rayon Sports), Nshimiyimana Marc (APR Academy)

Abakina hagati: Ntwari Jacques (Bugesera FC), Nshuti Dominique Savio (Rayon Sports) ,Nkinzingabo Fiston (APR FC), Muhire Kevin (Rayon Sports), Ngabonziza Narcisse (Kiyovu Sports), Ishimwe Claude (Isonga FC), Bakundukize Innocent (APR Academy)

Ba rutahizamu: Ahishakiye Nabir (Scandinavia), Itangishaka Blaise (APR FC), Niyibizi Vedaste (Sunrise FC), Nshuti Innocent (APR FC), Manishimwe Djabel (Rayon Sports), Biramahire Abeddy (Police FC), Kwizera Tresor (Mukura VS), Usabimana Olivier (Marines FC).

Ikipe y'Igihugu, Amavubi U20 nticyitabiriye irushanwa rya COSAFA

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved