APR FC ikomeje gukorera amateka kuri Kiyovu Sports

Yanditswe na Uwishyaka Jean Louis
Kuya 18 Ukuboza 2016 saa 06:36
Yasuwe :
0 0

Kuri ubu imyaka 11 irirenze ikipe ya Kiyovu Sports itazi uko gutsinda APR FC bimera, kuko n’umukino byari byiteze ko ishobora guhinduriraho amateka yawutakaje ku gitego kimwe ku busa.

Muri uyu mukino wabaye kuri iki Cyumweru kuri Sitade ya Kigali, i Nyamirambo, waranzwe no gusatirana ku mpande zombi, ari nako amakipe yose yagendaga abona amahirwe imbere y’izamu ariko kuyabyaza umusaruro bikananirana.

Ku munota wa 35 w’igice cya mbere nibwo APR FC yabonye igitego cyayo rukumbi yatsinze Kiyovu Sports, cyinjijwe na Sibomana Patrick (Papi).

Amakipe yombi yakomeje gusatirana ariko kubona igitego biranga.

Umukino wenda kurangira (ku munota wa 93), Umukinnyi wa APR FC, Yannick Mukunzi yabonye ikarita ya kabiri y’umuhondo yabyaye iy’umutuku, nyuma yo gukorera ikosa Bigirimana Blaise, bituma atazagaragara ku mukino w’ishiraniro iyi kipe y’ingabo z’igihugu izakina na Police FC mu mpera z’icyumweru gitaha.

Gutsinda umukino w’uyu munsi bifashije APR FC gushyikira mukeba wayo, Rayon Sports ya mbere kuko zombi zigize amanota 23, zigatandukanwa n’ibitego Rayon Sorts iyirusha.

Abakinnyi babanje mu kibuga

Kiyovu Sports : Hategekimana Bonheur, Mukamba , Ngirimana Alex, Niyitegeka Idrissa, Ahoyikuye Jean Paul, Mutuyimana Djuma, Mustafa François, Nizeyimana Jean Claude, Bigirimana Blaise, Iracyadukunda Eric

APR FC: Ntaribi Steven, Usengimana Faustin, Rugwiro Herve, Rusheshangoga Michel, Imanishimwe Emmanuel, Yannick Mukunzi ,Djihad Bizimana, Buteera Andrew, Sibomana Patrick, Issa Bigirima, Nshuti Innocent

Amakipe yombi yagerageje kubona uburyo bwo gutsinda ariko biranga
Issa Bigirimana ni umwe mu bakinnyi bigaragaje muri uyu mukino
Innocent Habyarimana (ibumoso) na kapiteni Ngabonziza Albert babanje hanze y'ikibuga
Abakinnyi ba Kiyovu Sports babanje mu kibuga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza