Kwamamaza

APR FC yatakaje amanota kuri Gicumbi, umutoza ashinja abakinnyi gusuzugura

Yanditswe kuya 24-10-2016 saa 06:54' na Jah d'eau DUKUZE


Yves Rwasamanzi utoza ikipe ya APR FC asanga kuba abakinnyi be batahaye agaciro kanini ikipe ya Gicumbi ari yo ntandaro yo kunganya na yo igitego 1-1 ku mukino w’umunsi wa kabiri wa shampiyona.

Ikipe ya Gicumbi yari yakiriye APR FC kuri Stade ya Kigali i Nyamirambo, nyuma yaho n’ubu Ferwafa itari yabemerera kwakirira imikino yabo ku kibuga cyabo i Gicumbi, nubwo bari bakoze ibishoboka ngo bagitunganye nkuko bari babisabwe n’akanama ka Ferwafa.

Umukino watangiye amakipe yombi asatira gusa APR FC binyuze mu bakinnyi bayo nka Sekamana Maxime na Muhadjili, bakagenda babona amahirwe yo gutsinda batabyaje umusaruro. Igice cya mbere cy’umukino cyaje kurangira amakipe anganya 0-0.

Igice cya kabiri kigitangira ku munota wa 47, APR FC yafunguye amazamu ubwo Hakizimana Muhadjili yazaga gukorerwa ikosa mu rubuga rw’amahina maze penaliti ivuyemo akayinjiza mu rushundura atsinda igitego cye cya kabiri muri shampiyona y’uyu mwaka.

Iki gitego cya Muhadjili ariko ntabwo cyaciye intege ikipe ya Gicumbi yakomeje gusatira cyane izamu ry’iyi kipe ifite igikombe cya shampiyona, gusa ba rutahizamu bayo bakayitenguha. Ibi, byasabye gutegereza umunota wa 79, ubwo Uwineza Jean de Dieu yagezaga umupira kwa Shyaka Pierre Celestin na we wahise yishyurira ikipe ye.

Umukino, waje kurangira ari icyo gitego 1-1, bivuze ko APR FC yabuze amahirwe yo gufata umwanya wa mbere nyuma yaho amakipe ya Rayon Sports, Mukura na Bugesera atakarije amanota kuwa Gatandatu. Umutoza w’iyi kipe Yves Rwasamanzi, asanga byose byatewe no kudaha agaciro Gicumbi.

Ati “Ntabwo twishimye kuko tudatsinze uyu mukino, abakinnyi bacu baje basa nk’abishyizemo gutsinda. Twabaye nk’abasuzugura gato none birangiye dutakaje amanota."

Shampiyona izakomeza mu mpera z’icyumweru gitaha, Gicumbi yakirwa na Kiyovu Sports ku Mumena mu gihe APR FC izabimburira izindi kuri uwo munsi yakira Mukura VS kuwa Gatanu ariki ya 28 Ukwakira 2016.

Uko imikino ya shampiyona yagenze

- AS Kigali 3-0 Marines
- Police 2-1 Bugesera
- Espoir 0-0 Rayon Sports
- Mukura 0-1 Etincelles
- Kirehe 0-1 Sunrise
- Gicumbi 1-1 APR FC
- Kiyovu 3-2 Amagaju
- Musanze 2-1 Pepiniere


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved