APR FC na Rayon Sports ziramenya amakipe bazahura mu marushanwa Nyafurika

Yanditswe na Philbert Girinema
Kuya 21 Ukuboza 2016 saa 09:03
Yasuwe :
0 0

Tombola ya CAF Champions League na CAF Confederation cup 2017 iteganyijwe kuri uyu wa Gatatu i Cairo mu Misiro ku cyicaro cy’Impuzamashyirahamwe y’umupira w’amaguru muri Afurika aho amakipe yabonye itike yo kwitabira aya marushanwa aza kumenya ayo bazahura mu majonjora.

lmikino y’amarushanwa Nyafurika ahuza amakipe yabaye aya mbere iwayo (Champions league) n’ahuza amakipe yatwaye ibikombe by’ibihugu byayo (Confederations cup) iya 2017 izakinwa hagati ya tariki 10 Gashyantare na 26 Ugushyingo 2017 yitabirwe n’amakipe 57 muri buri cyiciro.

Kuri uyu wa Gatatu ku gicamunsi nibwo tombola y’uko aya makipe azahura mu majonjora ikorwa ari nabwo APR FC izahagararira u Rwanda muri Champions league nyuma yo kwegukana igikombe cya shampiyona umwaka ushize iza kumenya mukeba bazahura kimwe na Rayon Sports izasohoka muri Confederation Cup nyuma yo kwegukana igikombe cy’Amahoro.

Umwaka ushize APR FC niyo yari yaserukiye u Rwanda muri iri rushanwa aho yatomboye Mbabane Swallows yo muri Swaziland iyisezerera ku bitego 4-2 mu mikino yombi. Mu mukino ubanza yatsinzwe 1-0 muri Swaziland ariko i Kigali nayo itsinda 4-1 harimo bitatu bya myugariro Rwatubyaye Abdoul utakiyikinira.

Ntibyakomeje kuyibera byiza kuko yahise ihura na Yanga Africans ya Haruna Niyonzima yahise iyisezerera ku bitego 3-2 mu mikino yombi.

Muri Confederation Cup Police FC yari ihagarariye u Rwanda yari yatomboye Atlabara yo muri Sudani y’Epfo iyisezerera ku bitego 4-3 mu mikino yombi ariko nayo ihita isezererwa na Vita Club Mokanda yo muri Congo Brazaville iyitsinze igitego 1-0.

Rayon Sports iraza kumenya ikipe izahura nayo muri CAF Confederation Cup
Rwatubyaye wari wafashije APR FC gusezerera Mbabane Swallows umwaka ushize ntakibarizwa muri iyi kipe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza