APR FC yaguye miswi na Pépinière ya nyuma (Amafoto)

Yanditswe na Manzi Rema Jules
Kuya 19 Werurwe 2017 saa 06:12
Yasuwe :
0 0

APR FC ikomeje kugorwa no kubona intsinzi muri shampiyona y’icyiciro cya mbere mu Rwanda, kuko kuri iki Cyumweru yanganyije na Pépinière FC ya nyuma ku rutonde rw’agateganyo rwa Shampiyona igitego 1-1.

Iyi kipe y’ingabo z’u Rwanda, inganyije umukino wa gatatu wikurikiranya harimo uwo yanganyijemo na Musanze FC 1-1 n’uwo yaguyemo miswi na Kirehe FC ubusa ku busa. Mu mikino umunani iyi kipe iheruka gukina yatsinzemo rimwe.

Pépinière FC niyo yafunguye amazamu ku munota wa 45 ku gitego cyatsinzwe na Nduwimana Michel Barack ndetse igice cya mbere kirangira iri imbere n’igitego kimwe ku busa.

Mu gice cya kabiri, umutoza wa APR FC, Mulisa Jimmy, yakoze impinduka akuramo Issa Bigirimana na Fabrice Nininahazwe yinjizamo Twizerimana Onesme na Eric Tuyishimire maze ku munota wa 78 yishyura igitego cyatsinzwe na Maxime Sekamana.

Ugutsikira kwa APR FC byatumye inanirwa gufata umwanya wa mbere ufitwe na Rayon Sports kuko nyuma yo kunganya uyu mukino bitumye mukeba wayo ayisiga amanota abiri ukongeraho n’ibirarane by’imikino itatu itarakina.

Kugeza ubu Rayon Sports iracyari ku mwanya wa mbere n’amanota 43 mu gihe APR FC ari iya kabiri n’amanota 41.

Uyu mukino warebwe n’Umutoza mushya w’ikipe y’igihugu Amavubi, Antoine Hey, uri mu Rwanda ndetse n’ikipe ya Onze Createurs yo muri Mali iri i Kigali yari yaje gukina na Rayon Sports mu mukino wo kwishyura wa CAF Confederation Cup, ikaza gusezererwa idakinnye nyuma y’uko Ishyirahamwe ry’umupira w’amaguru muri icyo gihugu ryahagaritswe na FIFA.

Indi mikino yabaye uyu munsi

Sunrise 1 – 0 Entincelles

Kiyovu SC 0 – 1 Kirehe FC

Mukura VS 3-2 Espoir FC

Amagaju FC 1-0 Marines

APR FC yananiwe gutsinda Pépinière banganya ubusa ku busa
Pépinière FC yagerageje kwihagararaho igabana amanota atatu na APR FC
Issa Bigirimana yagerageje gutsinda igitego ariko biranga
Abakinnyi ba Pépinière bishimira igitego bari bamaze gutsinda
Abasimbura ba Pépinière bishimira igitego ikipe yabo yari itsinze
Umutoza wa APR FC Jimmy Mulisa akomeje kugorwa no kubona amanota atatu
Abafana bari bake ku kibuga
Bamwe mu bafana ba APR FC bari bihanze itama abandi bagerageza gufana ikipe yabo
Muhoza Jean Paul utoza Pépinière yahagamye APR FC birangira ayikuyeho inota rimwe
Abakinnyi ba Onze Createurs yari gukina na Rayon Sports bari bagiye kureba umukino wa APR FC na Pépinière
Mousa Camara wa Rayon Sports(ibumoso) yarebye umukino wa APR FC ari kumwe na bene wabo bo muri Mali
Umutoza w'Amavubi Antoine Hey nawe yakurikiye uyu mukino

Urifuza kuduha amakuru? Hamagara iyi nimero 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza