Kwamamaza

Cassa Mbungo na Didier Gomes ku rutonde rw’abahatanira gutoza AFC Leopards

Yanditswe kuya 19-10-2016 saa 06:55' na Manzi Rema Jules


Umunyarwanda Cassa Mbungo André watozaga Police FC na Didier Gomes da Rosa wamamaye cyane muri Rayon Sports, bashyizwe ku rutonde rw’abatoza bifuza gusimbura Ivan Jacky Minnaert wirukanwe muri AFC Leopards yo muri Kenya.

Minnaert yamaze kugaruka mu Rwanda aho agiye gushingwa ibijyanye no gucuruza izina rya Rayon Sports no kuba Umuyobozi wa Tekiniki muri iyi kipe.

Nk’uko tubikesha ikinyamakuru cyo muri Kenya, Futta, Cassa Mbungo André wirukanwe muri Police FC mu mpera z’umwaka ushize wa shampiyona, ahanganye na Didier Gomes da Rosa wahesheje Rayon Sports igikombe cya shampiyona cya 2013 ku mwanya wo gutoza iyi kipe.

Si aba batoza gusa bari gushaka uyu mwanya kuko banahanganye n’Umugande Sam Timbe wigeze gutoza Police FC ya Uganda na Sofapaka yo muri Kenya, ndetse yanatwaranye ibikombe bya shampiyona na SC Villa (Uganda), Atraco (Rwanda) na Young Africans (Tanzania), akaba ari nawe uhabwa amahirwe cyane kuri uyu mwanya.

Undi uri gushaka gutoza iyi kipe ikunzwe cyane muri Kenya, ni Umwongereza, Stewart Hall wigeze gutoza Sofapaka muri 2012 ndetse akanahesha Azam FC igikombe cya Cecafa Kagame Cup cya 2015, ariko ubu nta kazi afite nyuma yo kwirukanwa n’iyi kipe.

Aba bose kandi banahanganye n’Umufaransa Patrick Liewig n’Umunya- Serbia Popadic Dragan bose bifuza gufata iyi kipe iri ku mwanya wa 12 n’amanota 30 nyuma y’imikino 26 ya shampiyona.

Mu bandi batoza bivugwa ko bari banditse basaba iyi mirimo harimo umunyarwanda, Kanyankore Yaounde uherutse kwirukanwa muri APR FC ubu akaba nta kipe afite, gusa ntiyigeze agaragara ku rutonde iyi kipe yashyize hanze.

Cassa yari aherutse kwirukanwa muri Police FC
Gomes watoje Rayon Sports ari mu bafite amahirwe yo gutoza iyi kipe yo muri Kenya

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved