Champions League: Manchester City na Real Madrid zatanze amasomo, Liverpool iratungurwa

Yanditswe na Manzi Rema Jules
Kuya 14 Nzeri 2017 saa 07:14
Yasuwe :
0 0

Imikino ihuza amakipe yabaye aya mbere iwayo ku mugabane w’u Burayi, UEFA Champions League yabaye kuri uyu wa Gatatu, Manchester City yihanangirije Feyenoord iyitsinda ibitego bine ku busa, Real Madrid itsinda APOEL Nicosia bitatu ku busa naho Liverpool itungurwa na Sevilla mu rugo.

Mu mikino umunani yari iya mbere mu matsinda kuva kuri E kugera kuri H yabaye kuri uyu wa Gatatu yabonetsemo ibitego 26 muri rusange ikipe yabashije kwinjiza byinshi ikaba ari Manchester City yo mu Bwongereza yatsinze Feyenoord yo mu Buholandi ibitego bine ku busa.

Ni ibitego bya myugariro John Stones watsinzemo bibiri, ba rutahizamu Sergio Aguero na Gabriel Jesus batsinze kimwe kimwe bikaba bwari ubwa mbere Feyenoord itsinzwe ibitego byinshi ku kibuga cyayo mu mateka y’amarushanwa yo ku mugabane w’u Burayi yose yitabiriye.

Muri Espagne, Real Madrid ifite ibi bikombe inshuro nyinshi mu mateka (12) ikaba yaranacyegukanye inshuro ebyiri ziheruka, yatangiye yakira APOEL Nicosia yo muri Chypre iyitsinda ibitego ku busa harimo bibiri bya Cristiano Ronaldo na kimwe cya Sergio Ramos.

Liverpool ku kibuga Anfield yari yakiriye Sevilla gusa ntabwo byayoroheye kuko imbere y’abafana bayo yatsinzwe igitego cya mbere na Wissam Ben Yedder ku munota wa gatanu gusa, iza kucyishyura kuwa 21 gitsinzwe na Roberto Firmino.

Iyi kipe yatangiye gushaka igitego cya kabiri cyo gushimisha abafana iza kukibona ku munota wa 37 gitsinzwe n’Umunya-Misiri Mohamed Salah gusa mu gihe ibihumbi by’abakunzi b’iyi kipe ifite amateka muri iri rushanwa dore ko yaryegukanye inshuro eshanu bibwiraga ko bashobora kubona amanota atatu Joaquin Correa yahise abonera Sevilla icyo kwishyura umukino urangira ari 2-2.

Uko imikino yose yabaye kuri uyu wa Gatatu yarangiye

- Tottenham 3-1 Borussia Dortmund

- Real Madrid 3-0 APOEL

- FC Porto 1-3 Besiktas

- RB Leipzig 1-1 AS Monaco

- Shakhtar Donetsk 2-1 Napoli

- Feyenoord 0-4 Manchester City

- Liverpool 2-2 Sevilla

- Maribor 1-1 Spartak Moscow

Imikino yabaye kuwa Kabiri

- Benfica 1 - 2 CSKA Moscow

- Manchester United 3 - 0 Basel

- Bayern Munich 3 - 0 Anderlecht

- Celtic 0 - 5 Paris Saint Germain

- Chelsea 6 - 0 Qarabag FK

- Roma 0 - 0 Atletico Madrid

- Barcelona 3 - 0 Juventus

- Olympiacos 2 - 3 Sporting CP

Ronaldo yatsinze ibitego bibiri muri uyu mukino
Uyu musore yagaragaje inyota y'ibitego cyane
Ramos yatsinze igitego cyashimishije benshi
Sergio Ramos yishimira igitego
Correa niwe watsindiye Seville igitego cyo kunganya
Harry Kane yatsindiye Tottenham ibitego bibiri
Mohamed Salah wo muri Misiri niwe watsindiye Liverpool igitego cya kabiri
Roberto Firmino afungura amazamu ku ruhande rwa Liverpool
Son na Kane bishimira intsinzi
Abafana ba Liverpool baririmbaga indirimbo yabo bamamaye yitwa 'You Will Never Walk Alone'

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza