Kwamamaza

Champions League: Real Madrid, Leicester City ziragaruka mu kibuga

Yanditswe kuya 22-11-2016 saa 11:18' na Manzi Rema Jules


Imikino ihuza amakipe yabaye aya mbere iwayo ku mugabane w’u Burayi, UEFA Champions League, irasubukurwa kuri uyu wa Kabiri no ku wa Gatatu, aho Real Madrid yasitaye ubushize inganya na Legia Warszawa ibitego 3-3, ishaka kurwanira kuyobora itsinda F, kuri ubu riyobowe na Borussia Dortmund.

Real Madrid ikomeje kwitwara neza muri shampiyona ya Espagne, nyuma yo kunyagira mukeba wayo, Atletico Madrid ibitego 3-0 byose bya Cristiano Ronaldo, kuri uyu wa Kabiri iraba yasuye Sporting CP muri Portugal, aho abasore ba Zinedine Zidane bafite intego yo gutsinda uyu mukino uko byagenda kose.

Ronaldo uhabwa amahirwe yo kwegukana umupira wa zahabu wa kane mu ntangiriro z’umwaka utaha, araba akinira mu gihugu cye cy’amavuko, by’umwihariko imbere y’abafana ba Sporting CP, yamuzamuye ari umwana akigaragarizamo mbere yo kwerekeza muri Manchester United mu 2003.

Jorge Jesus utoza iyi kipe, mbere y’umukino yatangaje ko afite inzozi zo kuzongera kubona Ronaldo, umukinnyi wa mbere ku Isi kuri we, agaruka gukina muri Sporting CP, ngo niyo yaba ageze mu myaka 38 cyangwa 39.

Muri iri tsinda, Borssia Dortmund niyo ya mbere n’amanota 10, irusha Real Madrid iyikurikiye amanota abiri.

Mu Bwongereza ho biraba ari ibicika hagati ya Leicester City itaratsindwa na rimwe muri iri rushanwa yitabiriye ku nshuro ya mbere na Club Brugge yo mu Bubiligi, ishaka gukomeza intego yayo yo kudatsindwa no gukomeza umwanya wayo wa mbere ifite kuri ubu.

Gutsinda uyu mukino, biraha abasore ba Claudio Ranieri kwizera kuzayobora iri tsinda kuko byatuma muri 1/8 idatombora ibihangange nka FC Barcelona, Paris Saint Germain, Atletico Madrid n’andi aba yazamutse ari aya mbere mu matsinda yayo.

Mu itsinda G aya makipe aherereyemo, Leicester City iri ku mwanya wa mbere n’amanota 10, ikurikiwe na FC Porto ifite arindwi naho Club Brugge biri bukine yo ni iya nyuma nta n’inota na rimwe ifite.

Indi mikino iteganyijwe kuri uyu wa Kabiri

CSKA Moscow vs Bayer Leverkusen
Monaco vs Tottenham Hotspur
Borussia Dortmund vs Legia Warszawa
Sporting CP vs Real Madrid
FC Koebenhavn vs FC Porto
Leicester City vs Club Brugge
Dinamo Zagreb vs Lyon
Sevilla vs Juventus

Cristiano yitezweho guhesha ikipe ye intsinzi muri uyu mukino
Real Madrid igomba gutsinda uyu mukino kugira ngo yizere kuzayobora itsida F iherereyemo
Gareth Bale nawe ari mu bakinnyi ba Real Madrid bahanzwe amaso n'abafana mu kuyihesha intsinzi
Leicester City nayo irajya mu kibuga ishaka gukomeza gutsinda muri iri rushanwa yitabiriye bwa mbere
Riyad Mahrez nawe yitezweho gufasha iyi kipe kubona amanota atatu kuri uyu mukino
Umutoza Claudio Ranieri arashaka gukorana amateka na Leicester muri Champions League

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved