Kwamamaza

Etincelles ihanze amaso APR FC nyuma yo gutsinda Sunrise

Yanditswe kuya 28-11-2016 saa 08:34' na Jah d'eau DUKUZE


Igitego cya Kambale Salita Gentil ku munota wa 40 w’umukino, cyatumye Etincelles yegukana amanota atatu yose ubwo yakiraga Sunrise kuri iki cyumweru, ari nako itangira gutekereza kongera gutsinda APR FC mu mukino w’umunsi wa karindwi wa shampiyona.

Kuri stade Umuganda, ikipe yari mu rugo yaje guhirwa n’intangiriro z’umukino yarushijemo Sunrise bigaragara, dore ko yagerageje inshuro 13 izamu ry’iyi kipe yo mu Burasirazuba ariko ntiyahita ibona inshundura hakiri kare.

Ibi byasabye gutegereza umunota wa 40 w’umukino, ubwo Kambale Salita Gentil wari wagoye ubwugarizi bwa Sunrise yazaga n’ubundi kungukira mu mupira bari basubije ku munyezamu, maze akabatsindana igitego ahanini kubera umuvuduko we.

Abatoza ba Etincelles bizeye kuzakomereza ibyishimo kuri APR FC

Iki gitego ni cyo cyonyine cyabonetse muri uyu mukino waberaga i Rubavu, nubwo Sunrise yagerageje gusatira mu minota yanyuma yaje no kugaragaramo agashya, ubwo umusifuzi yahaga ikarita itukura umuganga wa Etincelles maze akamwohereza mu bafana amuziza gutinza iminota ngo ikipe avura yegukane amanota atatu.

Iyi ntsinzi ya Etincelles yatumye ica kuri Sunrise ihita ifata umwanya wa gatatu n’amanota 11, ni mbere yo kwakirwa na APR FC kuri uyu wa gatanu tariki ya 2 Ugushyingo. Umutoza wayo Ruremesha Emmanuel, yadutangarije ko bishimiye gutsinda ndetse ko byanashoboka ko bakomereza kuri APR FC.

“Twatangiye neza, tunahusha ibitego byinshi mu gice cya mbere kuko ni cyo twari twasabye abakinnyi bacu. Mu gice cya kabiri Sunrise yagerageje gusatira ariko twihagazeho.”

“Dufite APR FC ku mukino ukurikira, ni ikipe nziza ivuye mu marushanwa mpuzamahanga, ikintu cyayizamuriye urwego. Etincelles yari yayitsinze mu mukino uheruka, natwe birashboka ko twayitsinda.”

Ku ruhande rw’umutoza wa Sunrise, Ideh Chidi Andrew, we yatangaje ko asanga gutsindwa kwe byanagizwemo uruhare no kubura abakinnyi babiri barimo Orotomal Alex umaze kumutsindira ibitego byinshi ndetse na Mussa Ali Sauva bombi bavunitse. Uyu mutoza ukomoka muri Nigeria yavuze ko agihanze amaso igikombe kuko amanota atandatu Rayon Sports imurusha atari menshi.

Ideh Chidi Andrew yari yizeye intsinzi mbere y'umukino
Abasifuzi baje gusohora umuganga bidasanzwe
Imbeho y'ibirunga yatumye umukino ukinirwa mu mafu
Etincelles yatangiranye ishyaka ryinshi
Sunrise yaburaga Sauva na Alex
Kambale Salita watsinze igitego, ni na we watowe nk'umukinnyi w'umukino

Uko imikino y’umunsi wa gatandatu wa shampiyona yagenze

  • AS Kigali 1-0 Gicumbi Fc
  • Rayon Sports 1-0 Bugesera Fc
  • Espoir Fc 2-0 Mukura VS
  • Marines Fc 0-1 Amagaju Fc
  • Pepiniere Fc vs APR Fc (wimuriwe tariki ya 14/12/2016)
  • Musanze Fc 1-3 Police
  • Kirehe Fc 0-0 SC Kiyovu
  • Etincelles 1-0 Sunrise

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved