Ferwafa yashyizeho irushanwa rizahuza abakanyujijejo muri ruhago

Yanditswe na Eric Tony Ukurikiyimfura
Kuya 5 Gicurasi 2019 saa 03:27
Yasuwe :
0 0

Ishyirahamwe ry’Umupira w’Amaguru mu Rwanda, FERWAFA, ryashyizeho irushanwa rizahuza abakanyujijeho mu mupira w’amaguru ryiswe ‘Veterans Cup’, rikazahuza abari hejuru y’imyaka 40.

Nk’uko bigaragara mu itangazo Ferwafa yashyize ahagaragara, iri rushanwa rizakinwa guhera tariki ya 1 Kamena 2019 kugeza ku tariki ya 04 Nyakanga 2019.

Uretse kuba ikipe ishaka kwiyandikisha isabwa kubanza kwishyura ibihumbi 100 Frw, umukinnyi wemerewe kurikina na we agomba kuba afite imyaka 40 kuzamura.

Ferwafa ivuga ko mu rutonde ikipe ishobora kugiramo abakinnyi batanu bafite imyaka iri hagati ya 35-40 ariko batatu akaba aribo bazaba bemerewe kuba bari mu bakinnyi babanza mu kibuga.

Ku mukinnyi wakinnye mu cyiciro cya mbere n’icyiciro cya kabiri mu mupira w’amaguru, agomba kuba amaze imyaka itanu adakina ayo marushanwa.

Mu Rwanda hari hamenyerewe imikino y’abakozi na yo yitabirwa n’abakinnyi bagifite imbaraga bamwe baba bavuye mu cyiciro cya mbere. Ikindi cyciro n’icy’amakipe y’abakuze azwi nka ‘Tarinyota’ akunda gukina ku Cyumweru ariko nta rushanwa ribahuza ryabagaho.

Mu 2016, abakanyujijeho b’Amavubi banyagiye aba Uganda ibitego 5-3 mu mukino wa gicuti

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza