Hategekimana Bonaventure ‘Gangi’ wakiniye amakipe menshi mu Rwanda yitabye Imana

Yanditswe na IGIHE
Kuya 15 Ugushyingo 2017 saa 08:14
Yasuwe :
0 0

Hategekimana Bonaventure ‘Gangi’ wakiniye amakipe hafi ya yose mu Rwanda n’ikipe y’Igihugu Amavubi, yitabye Imana azize uburwayi.

Gangi wabanje kurwarira mu bitaro bya CHUK, ibya Ruhengeri, ibya Gisenyi, yaguye mu bitaro bya Kabutare biherereye mu karere ka Huye.

Umuyobozi w’Ibitaro bya Kabutare, Nzambimana Jean Bosco, yabwiye IGIHE ko Gangi yitabye Imana mu rukerera rwo kuri uyu wa Gatatu.

Yagize ati “Gangi yitabye Imana ahagana saa munani z’ijoro. Yari amaze ukwezi hano yaje kuwa 9 Ukwakira. Yari arwariye muri serivisi ya Medicine Interne, yari arembye.”

Yakomeje avuga ko bavuganye n’umuryango ukavuga ko ugiye kujya gufata umurambo.

Muri Gashyantare uyu mwaka nibwo Gangi yatangaje ko ahagaritse umupira w’amaguru kubera uburwayi bwamufashe mu mpera za 2016 bugatangira ari ikibyimba cyamufashe ku ijosi bakakibaga.

Gangi apfuye ari we mukinnyi umaze gukinira amakipe menshi yo mu cyiciro cya mbere hano mu Rwanda. Uretse ayo yatangiriyemo atarabigira umwuga, yakiniye amakipe nka APR FC, Rayon Sports, Police FC, Atraco, Kiyovu Sports, Mukura VS, Espoir, Marines, Etincelles, AS Muhanga na Musanze.

Yakiniye Ikipe y'Igihugu Amavubi igiye kinini
Gangi ni umwe muri ba myugariro bakomeye u Rwanda rwagize mu mateka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza