Ibibuga bitatu byahagaritswe kwakira imikino ya shampiyona ya 2016-2017

Yanditswe na Jah d’eau Dukuze
Kuya 12 Ukwakira 2016 saa 12:09
Yasuwe : XX
0

Akanama kashyizweho n’Inteko rusange ya Ferwafa ngo gasure ibibuga bitandukanye harebwa niba koko bifite ubushobozi bwo kwakira shampiyona y’icyiciro cya mbere, karangije kwemeza ko ibibuga by’Amagaju, Gicumbi na Sunrise, bitari ku rwego rwo gukinirwaho uyu mwaka mu gihe nta gikozwe ngo bivugururwe.

Aka kanama kuva tariki ya 19 Nzeri, kasuye uturere dutandukanye dufite amakipe mu cyiciro cya mbere, ngo baganire kuri gahunda zo kunoza ibibuga bizakinirwaho shampiyona y’umwaka wa 2016-2017 iri butangire kuri uyu wa Gatanu tariki ya 14 Ukwakira.

Aka kanama kari kagizwe na John Ntwali (La Jeunesse), Aarron Rurangira (Abasifuzi Ferwafa), Sekibibi Jean de Dieu (Kiyovu), Alexis Nshimiyimana (Miroplast) na Kayiranga Albert usanzwe ashinzwe amarushanwa muri Ferwafa, karaye gatanze raporo y’ibyo kakuye ku bibuga, raporo isize ibigera kuri bitatu bibaye bihagaritswe kuzakinirwaho shampiyona, nkuko Mussa Hakizimana uvugira Ferwafa yabitangarije IGIHE.

“Raporo baraye baduhaye igaragaza ko hari ibibuga bitatu bititeguye kwakira shampiyona. Ikibuga cya Sunrise, icya Gicumbi n’icy’Amagaju. Ibi bibuga byose ntabwo bizakinirwaho shampiyona uretse icya Nyagatare gishobora kwemererwa mu gihe kivuguruwe kuko bo byibura bagaragaje ubushake”.

Ikibuga cya Sunrise ni kimwe mu byabaye bihagaritswe kwakira imikino ya shampiyona

Dr Mussa, yadutangaje ko Sunrise na Gicumbi zizajya yakirira imikino yazo i Kigali mu gihe Amagaju yo azajya yakirira imikino yayo kuri stade Huye.

Ibibuga bibi ni kimwe mu byagarutsweho cyane n’abatoza mu mwaka ushize wa shampiyona, aho nka Donadei watozaga Rayon Sports we yagiye kure akavuga ko ikibuga Rayon Sports yanganyirijeho na Etincelles(TAM-TAM) cyari kimeze nk’umurima w’ibijumba.

Abakunzi b'Amagaju ntabwo bazashobora kubona Tchabalala akinira Nyagisenyi nyuma yaho iki kibuga gihagaritswe

Kuwa Gatanu taliki ya 14 Ukwakira 2016

  • Rayon Sports vs Police (Stade ya Kigali, 18:00)

Ku wa Gatandatu, taliki ya 15 Ukwakira 2016

  • Pepiniere vs Mukura (Kicukiro, 15:30)
  • Etincelles vs Gicumbi (Umuganda, 15:30)
  • Bugesera FC vs Kiyovu SC (Bugesera; 15:30)

Ku Cyumweru taliki ya 16 Ukwakira 2016

  • Marines VS Espoir FC (Umuganda, 15:30)
  • Sunrise FC vs AS Kigali (Kicukiro , 15:30)
  • Kirehe FC vs Musanze FC (Kirehe; 15:30)

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza