Kwamamaza

Iminsi ibiri abaye umutoza wa APR, Mulisa yisanze mu ihurizo ritoroshye

Yanditswe kuya 1-12-2016 saa 21:33' na Manzi rema Jules


Umutoza mushya wa APR FC, Jimmy Mulisa nyuma y’iminsi ibiri ahawe inshingano zo gutoza iyi kipe agiye guhita ahura na Etincelles ya Ruremesha Emmanuel muri shampiyona ikomeje kugaragaza isura itandukanye n’uko bamwe bayitekerezag.

Mulisa yagizwe umutoza mukuru wa APR FC kuwa Kabiri tariki 29 Ugushyingo abona umwanya wo gukoresha imyitozo inshuro ibyiri, kuwa Gatatu no kuwa Kane.

Uyu mugabo wahoze ari umukinnyi ukomeye haba muri iyi kipe ya gisirikare yakinnyemo imyaka itatu ndetse no mu makipe atandukanye ku mugabane w’u Burayi na Asia, kuri uyu wa Gatanu, agomba gutangira urugendo rushya atoza umukino wa mbere muri APR FC yakira Etincelles kuri Stade ya Kigali i Nyamirambo.

Ni ihurizo ritoroshye kuko uretse kuba atarabonye umwanya uhagije wo kumenyerana n’abakinnyi yasanze, agiye guhura n’ikipe iri mu bihe byiza, iyobowe n’umwe mu batoza b’abahanga mu Rwanda wayifashije kuva mu makipe ya nyuma yasorejemo umwaka ushiz, ubu itaba iri muri eshatu za mbere nyuma y’umunsi wa gatandatu.

Ruremesha Emmanuel aganira na IGIHE yavuze ko bishimishije kuba APR FC nk’imwe mu makipe akomeye mu Rwanda yaragiriye icyizere umutoza w’Umunyarwanda kandi ukiri muto avuga ko amwifuriza ibyiza ariko bitarimo amanota atatu imbere ya Etincelles.

Ati “Etincelles tumeze neza, umwanya turiho ntabwo watugwiririye ni ibintu twateguye ariko nabyo biradukundira bigenda neza. Imikino itandatu gutsindamo ine si bibi. By’umwihariko gutsinda Sunrise FC, imwe mu makipe arimo kwigaragaza uyu mwaka, byatwongereye imbaraga.”

“Turaza i Kigali dushaka amanota atatu kuko niba ushaka kwitwara neza uba ugomba kutagira uwo utinya. APR FC ni ikipe ikomeye by’umwihariko ubu byiyongereye kuko yazanye umutoza mwiza, uzi kubana n’abakinnyi ndetse abenshi aba ari kumwe nabo mu Mavubi, bazaduha akazi gakomeye gusa intego zacu turazizi n’icyo dushaka turakizi.”

Ruremesha wahoze atoza Gicumbi FC na Espoir FC, avuga ko ikipe ye nta mukinnyi w’ikirangirire igira ku buryo abo bagiye guhura bazaba bamwiteze, ibi bikaba biri mu bituma bitwara neza kuko bakorera hamwe nk’ikipe mukeba akabura uwo afata n’uwo areka.

Mu mpera z’icyumweru, iyi kipe y’i Rubavu yatanze ubutumwa ku yandi bazahura ubwo yatsindaga Sunrise FC ku gitego 1-0 cya Kambale Salita Gentil.

Mu gihe APR FC ihagaze ku mwanya wa munani n’amanota umunani nubwo ifite ibirarane bibiri, Etincelles ihagaze ku mwanya wa gatatu n’amanota 12 inyuma ya Rayon Sports ifite 16 na Police FC ifite 13.

Mulisa agomba gufasha iyi kipe imaze gutsinda imikino ibiri, inganya ibiri kugaruka mu bihe byiza aho azakomeza gufatanya na Yves Rwasamanzi wari usanzwe ariwe uyitoza.

Ruremesha avuga ko yiteguye neza APR FC kandi ko ayishakaho amanota atatu

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved