Kwamamaza

Ivan Minnaert wahoze atoza Rayon Sports agiye kuyigarukamo

Yanditswe kuya 17-10-2016 saa 15:46' na Manzi Rema Jules


Umubiligi, Ivan Jacky Minnaert, watoje Rayon Sports amezi ane mu ntangiriro z’umwaka ushize w’imikino, ubu ari i Kigali aho yaje mu biganiro n’iyi kipe kugira ngo ayigarukemo nk’umuyobozi wa tekinike.

Minnaert wari muri Rayon Sports kuva mu Ukuboza kugera muri Gashyantare uyu mwaka, yasezeye tariki 24 Gashyantare 2016 nyuma yo kutumvikana na bamwe mu bayobozi ndetse no kudahabwa umushahara ku gihe.

Uyu mutoza wagiye amaze gutsinda imikino ibiri ya shampiyona yari amaze gutoza harimo uwa Gicumbi FC na Kiyovu Sports, yemereye IGIHE ko yamaze kugaruka mu Rwanda ndetse kuri uyu wa Mbere agomba kugirana ibiganiro n’abayobozi ba Rayon Sports.

Ati “Ndi mu Rwanda, mfitanye gahunda n’abayobozi ba Rayon Sports uyu munsi (kuwa Mbere) nimugoroba.”

Mu kiganiro n’Umunyamabanga w’Umuryango wa Rayon Sports, Musabende Ange Claudine, yabwiye IGIHE ko uyu mugabo ufite inararibonye mu bijyanye no gushaka amasoko, agarutse mu Rwanda gufasha Rayon Sports gucuruza izina ryayo ariko akaba n’ushinzwe tekinike.

Ati “Hari imirimo myinshi idakurikiranwa uko byakagombye kuko twe tuba muri Rayon Sports kubera urukundo ariko dufite indi mirimo dukora umunsi ku munsi ari na yo idutunze. Twahisemo gushaka umuntu wajya akurikirana iyo mirimo umunsi ku munsi ariko kazi ke, duhitamo kuganira na Ivan nk’umuntu wabaye muri Rayon Sports neza ni cyo cyamuzanye i Kigali kugira ngo ibiganiro bikomeze.”

“Urebye inshingano ze ni ugukurikirana ikipe nk’umuyobozi wa tekinike ariko akazanafasha mu gucuruza izina rya Rayon Sports cyane ko yari yanabitangiye ubwo yari akiri hano. Nta mpungenge ko hazabamo ikibazo n’umutoza mukuru (Masoudi) kuko ibyo azakora ni nk’ibyo abayobozi bakoraga gusa ntibizajya bibabuza kugirana inama kuko intego ari imwe yo guteza Rayon Sports imbere.”

Mu minsi yashize, Ivan yatangaje ko azagaruka mu Rwanda kurangiza imishinga yari afite yagiye atarangije by’umwihariko n’igihe yari muri AFC Leopards yagiye agaragaza ko agifite Rayon Sports mu bitekerezo bye.

Muri Kamena uyu mutoza yabwiye IGIHE ko yababariye iyi kipe umwenda yari imurimo w’amafaranga yagiye adahembwe.

Nyuma y’uko uyu mutoza asezeye muri Rayon Sports akajya muri AS Leopards muri Kenya na ho ntibimuhire akaza kwirukanwa mu minsi ishize, Rayon Sports yasigaranye na Masoudi Djuma wari usanzwe amwungirije ayifasha gutwara igikombe cy’Amahoro ahita anahabwa amasezerano nk’umutoza mukuru mu gihe cy’imyaka itatu.

Ivan Minnaert agiye kugaruka muri Rayon Sports
Ivan Minnaert agiye kongera gukorana na Masoudi Djuma muri Rayon Sports

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved