Jimmy Mulisa yagizwe Umutoza Mukuru wa APR FC

Yanditswe na Philbert Girinema
Kuya 29 Ugushyingo 2016 saa 09:46
Yasuwe :
0 0

Jimmy Mulisa wigeze kuba Umukinnyi wa APR FC ndetse akaza no gutoza Ikipe y’Igihugu Amavubi nk’Umutoza w’agateganyo, yagizwe Umutoza Mukuru w’iyi kipe y’Ingabo z’Igihugu.

Mulisa w’imyaka 32 yemejwe nk’Umutoza Mukuru nyuma yaho iyi kipe yari imaze iminsi ishakisha uwahabwa izi nshingano zari zifitwe na Kanyankore Gilbert Yaoundé wirukanwe amaze iminsi 43, ikipe igasigara mu maboko y’umutoza wungirije Yves Rwasamanzi.

Muri Kanama nibwo Mulisa yemejwe nk’umutoza w’agateganyo w’ikipe y’igihugu Amavubi nyuma y’irukanwa rya Johnny McKinstry yari yungirije, ayijyana muri Ghana abasha kunganyirizayo igitego kimwe kuri kimwe . Mu butoza kandi yabaye umuyobozi ushinzwe ibya Tekiniki mu ikipe ya Sunrise.

Ibihe bya Jimmy Mulisa nk’umukinnyi

-  2002–2005: APR FC: Yayikiniye Imikino 41 atsinda ibitego 16

-  2005–2006: RAEC Mons: Yakinnye 28 atsinda ibitego 10

-  2006–2007: KRC Mechelen: Yakinnye imikino 30 atsinda ibitego 13

-  2007–2008: RFC Tournai : Yakinnye imikino 25 atsinda ibitego 12

-  2008–2009: KFC Hamme : Yakinnye imikino 29 atsinda ibitego 10

-  2009–2010: SV Roeselare: Yakinnye imikino 30 atsinda ibitego 10

-  2010–2011: KSK Beveren (nk’intizanyo) : Yakinnye imikino 33 atsinda ibitego 9

-  2011– Ceahlăul Piatra Neamţ: Yakinnye imikino 27 atsinda ibitego 11

-  2011–2012: Shakhter Karagandy: Yakinnye imikino 31 atsinda ibitego 10

-  2012–2013: FC Vostok: Yakinnye imikino 29 atsinda ibitego 11

-  2013–2014: A.F.C. Tubize: Yakinnye imikino 22 atsinda ibitego 8

-  2014– T-Team: Yakinnye imikino 15 atsinda ibitego 8

Jimmy Mulisa yagizwe Umutoza Mukuru wa APR FC

Urifuza kuduha amakuru? Hamagara iyi nimero 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza