Liverpool FC ni yo izinjiza amafaranga menshi muri Premier League uyu mwaka: Uko amakipe azahembwa

Yanditswe na Eric Tony Ukurikiyimfura
Kuya 12 Gicurasi 2019 saa 01:55
Yasuwe :
0 0

Ikipe ya Liverpool ni yo izinjiza amafaranga menshi muri shampiyona y’u Bwongereza, Premer League n’ubwo yaba idatwaye igikombe cy’uyu mwaka ihanganiye na Manchester City.

Iyi kipe itozwa na Jürgen Klopp ni yo yerekanywe cyane na Teleziviyo zaguze shampiyona y’u Bwongereza, aho yagaragaye inshuro 29 kuri Sky Sports na BT Sport inshuro ebyiri kurusha Manchester United yerekanywe mu mikino 27. Manchester City isoza shampiyona kuri iki Cyumweru ikina na Brighton, iraba yerekanwe inshuro 26.

Muri Premier Legue amakipe yose aba yemerewe byibuze miliyoni £12.5 ku mikino yayo yerekanwe kuri Televiziyo, aho buri imwe yongererwa miliyoni £1.2 ku mukino iyo iramutse irengeje inshuro 10. Ibi bivuze ko Liverpool izabona inyongera ya miliyoni £3.4 kurusha Manchester City n’ubwo yayitwara igikombe cya shampiyona.

Liverpool ishobora kwegukana hafi miliyoni £150 niramuka ibaye iya kabiri muri shampiyona, ikarusha Manchester City agera kuri miliyoni £1.4 mu gihe Liverpool yakwegukana miliyoni £150 zuzuye iramutse itwaye igikombe.

Muri Premier League buri kipe iba igomba kwerekanwa byibuze inshuro 10 mu mwaka w’imikino, ariko Bournemouth, Southampton na Huddersfield zerekanwe inshuro umunani gusa.

Amakipe ya Huddersfield, Fulham na Cardiff yamanutse mu cyiciro cya kabiri azabona hagati ya miliyoni £94 na miliyoni £100, aho buri mwanya uba ugenewe hagati ya miliyoni £1.9 na miliyoni £2.

Liverpool niyo yerekanwe inshuro nyinshi kurusha andi makipe muri Premier League
Uko amakipe yo mu Bwongereza ashobora kwinjiza amafaranga muri Premier League uyu mwaka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza