Manchester City yegukanye igikombe cya kabiri cya shampiyona yikurikiranya (Amafoto)

Yanditswe na IGIHE
Kuya 12 Gicurasi 2019 saa 06:36
Yasuwe :
0 0

Ikipe ya Manchester City yegukanye igikombe cya shampiyona ku nshuro ya kabiri yikurikiranya, nyuma yo kunyangira Brighton ibitego 4-1.

Igikombe cyabonye nyiracyo ku munsi wa nyuma wa shampiyona, kuko Man City yarushaga inota rimwe gusa Liverpool FC isoje shampiyona ku mwanya wa kabiri.

Mu mukino wa kamarampaka kuri iki Cyumweru, Man City yatangiye nabi kuko Glenn Murray yafunguye amazamu ku ruhande rwa Brighton ariko Sergio Aguero aza kwishyura icyo gitego.

Man City yahise ikomerezaho ishyiramo n’ibindi bitego byatsinzwe na Aymeric Laporte, Riyad Mahrez na Ilkay Gundogan.

Ni mu gihe Liverpool na yo yatsinze umukino wayo bituma irangiza shampiyona ku mwanya wa kabiri n’amanota 97, nyuma yo gutsinda Wolves ibitego 2-0 byombi byatsinzwe na Sadio Mane.

Iyi kipe isoje neza mbere yo guhura na Tottenham ku mukino wa nyuma wa UEFA Shampions League ku wa 1 Kamena.

Liverpool ibaye ikipe ya mbere mu mateka ya shampiyona y’u Bwongereza ibashije gutsinda imikino isaga 30 ikanagira amanota 97 ariko ntiyegukane igikombe, ndetse nta n’indi kipe yatsinzwe umukino umwe gusa mu mwaka w’imikino ngo ntitware igikombe.

Mu yindi mikino ikomeye yabaye, Arsenal yatsinze Burnley ibitego 3-1, Chelsea inganya na Leicester 0-0, Manchester United itsindwa na Cardiff City 2-0, Everton inganya na Tottenham 2-2.

Cardiff City, Fulham na Huddersfield Town zo zamanutse mu cyiciro cya kabiri.

Uko amakipe arangije shampiyona n’amanota afite:

1. Manchester City: 98
2. Liverpool: 97
3. Chelsea: 72
4. Tottenham Hotspur: 71
5. Arsenal: 70
6. Manchester United: 66
7. Wolverhampton Wanderers: 57
8. Everton: 54
9. Leicester City: 52
10. West Ham United: 52
11. Watford: 50
12. Crystal Palace: 49
13. Newcastle United: 45
14. AFC Bournemouth: 45
15. Burnley: 40
16. Southampton: 39
17. Brighton & Hove Albion: 36
18. Cardiff City 34
19. Fulham 26
20. Huddersfield Town 16


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza