Kwamamaza

Manzi Thierry wa Rayon Sports yahawe ibyumweru bitatu adakora ku mupira

Yanditswe kuya 29-11-2016 saa 09:02' na Manzi Rema Jules


Nyuma y’uko myugariro wo hagati mu ikipe ya Rayon Sports, Manzi Thierry, avunikiye mu mukino wa Bugesera FC wabaye mu mpera z’icyumweru gishize, yamaze guhabwa ibyumweru bitatu ari hanze y’ikibuga.

Manzi Thierry wari inkingi ikomeye cyane mu kwitwara neza kwa Rayon Sports by’umwihariko akaba yaragize uruhare runini mu kuyifasha kuba igeze ku munsi wa gatandatu wa shampiyona itarinjizwa igitego, yakinnye iminota 15 gusa ku mukino iyi kipe yatsinzemo Bugesera FC igitego 1-0 ku wa Gatandatu tariki 26 Ugushyingo 2016.

Kuri uyu wa Mbere nibwo yagiye ku bitaro bya gisirikare i Kanombe kugira ngo barebe ikibazo yagize. Avuyeyo, yabwiye IGIHE ko bamusabye gufata umwanya wo kuruhuka kuko imvune yo mu ivi yagize akomeje kuyikiniraho yazamukomerana cyane.

Ati “Nagiye kwa muganga baransuzuma mu bushishozi bwabo bambwira ko ngomba kumara ibyumweru bitatu ntakora ku mupira noneho nyuma yaho akaba aribwo bazongera kureba niba natangira imyitozo.”

Manzi Thierry yageze muri Rayon Sports avuye muri Marines FC mu mwaka ushize, kwitara neza byamuhesheje umwanya ubanzamo muri iyi kipe yambara ubururu n’umweru ndetse bwa mbere anahamagarwa mu ikipe y’igihugu, Amavubi, yiteguraga imikino ya Senegal na Mozambique muri Gicurasi uyu mwaka.

Uyu musore azasiba imikino irimo uw’Amagaju FC bazasura tariki 4 Ukuboza, Gicumbi FC bazakira tariki 10 Ukuboza n’umukino wa Mukura VS bagombaga kuzayisura i Huye, tariki 16 Ukuboza nubwo wo ushobora kwigizwa imbere kubera urugendo iyi kipe izakorera muri Tanzania mu irushanwa rya Star Times rizaba hagati ya tariki 16 na 23 Ukuboza 2016.

Manzi Thierry yahawe ibyumweru bitatu adakina umupira w'amaguru
Manzi Thierry yasohowe mu kibuga nyuma y'iminota 15 gusa
Umwaka wa mbere Manzi akiniye muri Rayon Sports yahise atwarana nayo igikombe cy'amahoro

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved