Migi yateye umugongo abamwifuzaga, yerekeza muri Gor Mahia

Yanditswe na Manzi Rema Jules
Kuya 23 Ukuboza 2016 saa 10:55
Yasuwe : XX
0

Umukinnyi w’ikipe y’igihugu Amavubi, Mugiraneza Jean Baptiste Migi wari uherutse gusesa amasezerano na Azam FC yo muri Tanzania yakiniraga, yamaze kwerekeza muri Gor Mahia yo muri Kenya ashyira umukono ku masezerano y’imyaka ibiri.

Kuva agitandukana na Azam FC, tariki 12 Ukuboza nyuma y’aho atari akifuzwa na bamwe mu bayobozi b’iyi kipe yo muri Tanzania yari amaze umwaka n’amezi atandatu akinira, Mugiraneza yatangiye kwifuzwa n’amakipe atandukanye arimo Than Quảng Ninh F.C yo muri Vietnam, ariko yose ayatera umugongo yerekeza muri Gor Mahia nk’uko umugore we akaba n’umuvugizi we, Gisa Fausta Mugiraneza yabitangarije IGIHE.

Ati “Yamaze gushyira umukono ku masezerano y’imyaka ibiri muri Gor Mahia[…]Ntabwo duhita twimuka ngo tujye muri Kenya kuko turabanza tuze mu Rwanda noneho tuzabe tugenda nyuma kwitegura shampiyona.”

“Ku bijyanye n’amafaranga yaguzwe ndetse n’umushahara ni ibanga kugeza ubwo Gor Mahia izatanga uburenganzira bwo kubishyira hanze.”

Migi yavuye muri APR FC ajya muri Azam FC muri Nyakanga 2015 aguzwe ibihumbi mirongo ine by’amadolari (40.000$), arenga gato miliyoni 30 z’amafaranga y’u Rwanda n’umushahara w’ibihumbi bitatu by’amadolari ku kwezi yahabwaga.

Akiyigeramo, Migi yayifashije kwegukana igikombe cya CECAFA Kagame Cup cya 2015, ariko ntabwo byaje gukomeza kugenda neza kuko yatangiye kujya abura umwanya wo gukina ndetse bamwe mu bayobozi batangira kugaragaza ko batakimwifuza.

Muri iyi kipe ifite intego yo kwegukana igikombe cya shampiyona umwaka utaha, asanzemo abakinnyi b’Abanyarwanda nka Jacques Tuyisenge, Kagere Meddie ariko igenda rye muri iyi kipe, rishobora gutuma myugariro Abouba Sibomana ayisohokamo kubera ikibazo cy’abanyamahanga baba babaye benshi.

Mugiraneza yashyikirijwe ibengera rya Gor Mahia
Mugiraneza yasheshe amasezerano na AZAM Fc nyuma y'uko bamwe mu bayobozi bayo batari bakimwishimiye
Mugiraneza ni imwe mu nkingi ya mwamba mu ikipe y'Igihugu, Amavubi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza