Nubwo ntakumvikana na Rayon Sports sinzasohoka mu Rwanda-Ivan Minnaert

Yanditswe na Uwishyaka Jean Louis
Kuya 31 Ukwakira 2016 saa 08:47
Yasuwe :
0 0

Umubiligi Ivan Jacky Minnaert uri mu biganiro na Rayon Sports kugira ngo ayibere umuyobozi ushinzwe kuyishakira amasoko no gucuruza ibikorwa byayo, yatangaje ko n’iyo ibi biganiro byananirana adateganya gusohoka mu Rwanda ngo ajye gushaka akazi ahandi.

Nyuma yo kwirukanwa mu ikipe ya AFC Leopards yo muri Kenya, Ivan Minnaert watoje Rayon Sports amezi ane mu ntangiriro z’umwaka ushize w’imikino, ubu ari mu biganiro n’iyi kipe kugira ngo ayigarukemo nk’ushinzwe gucuruza izina ryayo ndetse akaba yabifatanya no kuba ushinzwe tekinike.

Gusa uyu mutoza utarahiriwe n’amakipe yo muri aka Karere ngo arifuzwa n’ikipe itaramenyekana yo muri Uganda nk’uko ikinyamakuru cyo muri Kenya Futta.com cyabitangaje.

Mu kiganiro iki kinyamakuru kivuga ko cyagiranye na Ivan yagize ati “Nibyo, ariko sinayivuga ibiganiro bitararangira. Ntabwo ndimo kubyirukansa cyane kuko sinshaka kongera kwihutisha ibintu nyuma y’ibihe bibi nagize mu buzima bwanjye ndi kumwe na AFC Leopards. Nzabitwara buhoro nimara kwizera neza ko nta kibazo nibwo nzasinya. Nshaka ikipe impa kwiyumva neza nishimye.”

Mu kiganiro yagiranye na IGIHE, Minnaert yavuze ko nta kazi ko hanze y’u Rwanda ashaka muri iki gihe n’iyo ibiganiro byo kugaruka muri Rayon Sports byaba byanze.

Ati “Muri Kenya bazi neza aho ndi, sindi muri Uganda. Ndi mu biganiro na Rayon Sports, nshaka kubanza kureba niba bikunda. Gusa Nintanumvikana nayo sinzasohoka mu Rwanda, sinshaka kujya gukorera hanze babimenye.”

Ivan amaze kuva muri Rayon Sports yasigaranye n’umutoza wari umwungirije, Masudi Djuma wahise ahabwa amasezerano y’imyaka itatu.

Mu bikomeje gutinza igaruka rya Minnaert muri iyi kipe mu buryo bwemewe n’amategeko harimo kubanza kureba neza niba inshingano azaba afite zidashobora kuzajya zituma agongana na Masudi dore ko mu muryango wa Rayon Sports bifuza ko yaba n’umuyobozi wa tekinike ariko abo mu ikipe bakabirwanyiriza kure.

Inkuru bifitanye isano Ivan Minnaert wahoze atoza Rayon Sports agiye kuyigarukamo

Ivan Minnaert avuga ko n'iyo ibiganiro ari kugirana na Rayon Sports bitagenda neza adateganya kuva mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza