Nyinawumuntu Grace wavuzweho ubutinganyi yareze AS Kigali yamwirukanye

Yanditswe na Manzi Rema Jules
Kuya 9 Werurwe 2017 saa 02:56
Yasuwe :
0 0

Nyinawumuntu Grace wahoze atoza AS Kigali y’abakobwa akaza kwirukanwa mu Cyumweru gishize ashinjwa kubiba umwuka mubi mu ikipe no guca ibice mu bakinnyi, byose byaje bikurikira ubutinganyi yavugwagaho, yamaze kwiyambaza umugenzuzi w’umurimo asaba kurenganurwa.

Uyu mutoza yirukanwe nyuma y’amezi abiri ahagaritswe ku mirimo ashinjwa kuba nyirabayazana w’ubutinganyi bwavuzwe mu ikipe, gucamo abakinnyi ibice, imyitwarire mibi no kubiba umwuka mubi. Nyuma ubushakashatsi bubuyobozi bwa AS Kigali bwakoze busanga bimuhama uretse icy’ubutinganyi, bumufatira ibyemezo nk’uko bwabitangaje.

Amakuru agera kuri IGIHE ni uko uyu mutoza yamaze kurega ubuyobozi bwa AS Kigali y’abakobwa ku mugenzuzi w’umurimo asaba kurenganurwa kuko ngo yirukanywe binyuranyije n’amategeko.

Umuvugizi w’iyi kipe Gacinya Teddy yemereye IGIHE ko Nyinawumuntu yamaze gutanga ikirego, ati “Nibyo yatujyanye ku mugenzuzi w’umurimo tuzitaba ku wa Gatatu tariki 15 uku kwezi. Araburana iminsi y’ikiruhuko (congés), kuba yarirukanwe bidaciye mu mucyo, ubwiteganyirize bw’abakozi n’ibindi. Gusa twe nta kibazo dufite kuko ibyo amategeko yagenaga byose twarabikoze.”

Nyinawumuntu yakunze kugaragaza ko atemera ibyo avugwaho ndetse muri Mutarama ubwo yari amaze guhagarikwa yatangarije IGIHE ko ibiri kumubaho ari akagambane ka bamwe mu bakinnyi atahaye umwanya wo gukina, n’abo yirukanye bashaka kumuhirika.

Nubwo AS Kigali y’abagore yafashe umwanzuro wo kwirukana Nyinawumuntu, mu ikipe y’igihugu y’abagore nayo atoza kuva muri 2014 azakomeza imirimo ye kuzageza ubwo Ferwafa izafata umwanzuro ku hazaza he.

Nyinawumuntu Grace wahoze atoza AS Kigali

Indi nkuru bifitanye isano: 1. AS Kigali yirukanye burundu umutoza Nyinawumuntu Grace washinjwe ubutinganyi


Urifuza kuduha amakuru? Hamagara iyi nimero 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza