Kwamamaza

Pieter De Jongh wari ‘Directeur Technique’ muri Ferwafa yasezeye

Yanditswe kuya 21-10-2016 saa 17:11' na IGIHE


Umuholandi, Hendrik Pieter de Jongh wari wahawe kuba umuyobozi wa tekinike muri Ferwafa, yamaze gusezera ashinja abayobozi b’Ishyirahamwe ry’umupira w’amaguru mu Rwanda kutagira gahunda zifatika zateza ruhago Nyarwanda imbere ndetse no kuba nta nyota yabyo bagaragaza.

Pieter de Jongh yatangajwe nk’Umuyobozi wa tekinike mu Rwanda tariki 14 Kamena 2016 nyuma y’umwaka urenga wari ushize uyu mwanya nta mukozi ugira uwurimo.

Uretse kuzengurukana n’abayobozi ba Ferwafa hirya no hino mu gihugu mu ngendo zari zigamije gushishikariza abana b’abakobwa gukunda umupira w’amaguru, nta kindi gikorwa kizwi uyu mugabo yigeze afasha umupira w’u Rwanda mu gihe yari ahamaze.

Nk’uko yabitangaje uyu munsi, ngo kuba nta nyota yasanganye Abanyarwanda yo guteza imbere umupira w’amaguru ndetse akaba abona abakabikoze nta mbaraga babishyiramo, yahisemo gusezera ku mirimo ye ndetse n’ibaruwa yayigejeje muri Ferwafa.

Ati “Nasezeye kandi Ferwafa namaze kuyandikira ibaruwa isezera. Nabasezeye kuko mu gihe maze mu Rwanda nasanze umupira waho usa n’aho ukorwa nko kwishimisha. Ntiwambwira ukuntu ushobora kuba mu gihugu kitagira abanegihugu bafite inyota y’iterambere ry’umupira. Ikindi njyewe ndi umunyamwuga, ntabwo nkunda kubeshya, ntabwo abenshi mu bakozi ba Ferwafa ari abanyamwuga ku buryo ikirere cy’imikorere y’umuntu mushya cyoroha.”

Uyu muyobozi agiye ariko yunze mu magambo yavuzwe na Jonathan Mckinstry ubwo yasohokaga mu biro yirukanwe muri Kanama ariko agasiga avuze ko nubwo hari inshingano atagezeho mu gihe yari amaze atoza Amavubi byatewe ahanini no gukorana n’abayoboye umupira mu Rwanda ariko batawuzi.

Twagerageje kuvugisha Umuvugizi wa Ferwafa, Hakizimana Mussa ariko ntiyabasha kwitaba telefone.

Umuholandi, Hendrik Pieter de Jongh, wari ushinzwe ibya tekinike mu mupira w'amaguru mu Rwanda yeguye ku mirimo ye

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved