Danny Usengimana yafashije Police FC gutsindira Sunrise FC ku Kicukiro

Yanditswe na Manzi Rema Jules
Kuya 7 Mutarama 2017 saa 05:43
43 29

Police FC yatsinze Sunrise FC ibitego bibiri kuri kimwe mu mukino wa Shampiyona y’icyiciro cya mbere mu Rwanda igeze ku munsi wayo wa 12.

Ni umukino wabereye kuri Stade ya Kicukiro kuri uyu wa Gatandatu, tariki ya 7 Mutarama 2017.

Ibitego byose uko ari bitatu byabonetse ku mpande zombi byabonetse mu gice cya kabiri cy’umukino. Iminota 45 y’umukino yarangiye nta kipe ibonye mu izamu ry’indi.

Igice cya kabiri kigitangira, rutahizamu Danny Usengimana yahise afungura amazamu y’ikipe ya Sunrise ndetse yongera gutsinda n’icya kabiri ku munota wa 50 w’umukino.

Igitego rukumbi cya Sunrise cyabonetse ku munota wa 75 cyatsinzwe na rutahizamu Orotomal Alex ukomoka muri Nigeria kuri penaliti.

Abakinnyi 11 babanjemo ku mpande zombi:

Police FC: Bwanakweli Emmanuel, Mpozembizi Mohammed, Muvandimwe JMV, Habimana Hussein, Umwungeri Patrick, Ngendahimana Eric, Mwizerwa Amini, Nizeyimana Mirafa, Niyonzima Jean Paul, Mico Justin na Usengimana Danny

Sunrise FC: Itangishatse Jean Paul, Serumogo Ally Omal, Niyonshuti Gad, Manzi Sincère Huberto, Mushimiyimana Regis, Uwambajimana Léon, Niyibizi Vedaste, Samson Babuwa, Ojenuwa Romeo, Mucyo Pasteur na Orotomal Alex

Uko indi mikino yagenze

Kuwa Gatanu tariki ya 6 Mutarama

- SC Kiyovu 1-2 Espoir Fc

Kuwa Gatandatu tariki ya 7 Mutarama

- As Kigali 1-0 APR FC

- Police 2-1 Sunrise

- Bugesera 0-0 Kirehe

- Amagaju 1-0 Musanze

Amafoto: Manzi Rema Jules


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE