Rayon Sports ikuye amanota atatu mu gisa n’intabire i Kirehe iha abafana ubunani

Yanditswe na Uwishyaka Jean Louis
Kuya 30 Ukuboza 2016 saa 08:12
Yasuwe :
0 0

Rayon Sports yatsindiye Kirehe FC ku kibuga cyayo cyari kimeze nk’intabire, ibitego bitatu kuri kimwe isoza umwaka wa 2016 iyoboye shampiyona igumanye n’agahigo ko kuba itaratsindwa umukino n’umwe.

Wari umukino w’umunsi wa 11 wa shampiyona y’u Rwanda, iyi kipe yakinnye mbere yo kwizihiza umunsi mukuru w’ubunani.

Ku nshuro ya mbere Rayon Sports ikinnye na Kirehe FC mu mikino ya shampiyona, yatahanye amanota atatu imbere y’imbaga y’abafana batari bake bari baje kuyishyigikira.

Ibitego bya Kwizera Pierrot na Eric Irambona byombi byo mu gice cya mbere n’ikindi cya Nahimana Shassir kuri koloneli yatewe na Pierrot, nibyo byahesheje Masudi Djuma amanota atatu mu gihe impozamarira ya Kirehe FC yatsinzwe na Kagabo Ismi.

Indi mikino y’umunsi wa 11 yakinwe, irimo uwa APR FC yatsindiye Espoir i Rusizi ibitego 2-0 ndetse inayikuriraho agahigo ko kumara imikino 10 itaratsindwa muri shampiyona. Ibitego by’iyi kipe y’ingabo z’u Rwanda byatsinzwe na Bizimana Djihad ku munota wa 10 n’icya Sibomana Patrick uzwi nka Papy.

Intsinzi ya Rayon Sports itumye irangijwe umwaka iri ku mwanya wa mbere n’amanota 29 igakurikirwa na APR FC ifite amanota 27.

Dore uko imikino yarangiye:

*Police FC 1-2 SC Kiyovu
*Espoir FC 0-2 APR FC
*Kirehe FC1-3 Rayon Sports
*Mukura VS 1-0Amagaju FC
*AS Kigali 1-0 Etincelles
*FC Musanze 2-1 Bugesera FC
*FC Marines 3-0 Pepiniere FC
*Sunrise FC 2-0 Gicumbi FC

Abakinnyi babanje mu kibuga

Rayon Sports: Ndayishimiye Eric Bakame, Jean d’Amour Mayor, Eric Irambona, Ange Mutsinzi, Munezero Fiston, Kwizera Pierrot, Fabrice Mugheni, Nova Bayama, Mustapha Nsengiyumva, Lomami Frank, na Nahimana Shasir

Kirehe FC : Mbarushimana Emile, Nkurikiye Jackson, Shauri Nyamugenda Fiston, Nshizirungu Jean de Dieu, Niyonkuru Vivien, Nizeyima Junior, Ndikumana Ibrahim, Mutabazi Isaie, Uwimbabazi Jean Paul, Kagabo Ismi, Muhoza Trezor

Ikibuga cya Kirehe cyari cyuzuye ibyondo ku buryo abakinnyi ba Rayon Sports banyereraga
Igitego cya Mbere cya Rayon Sports cyatsinzwe nwa Pierrot
Abakinnyi ba Rayon Sports bishimira igitego
Abafana ba Rayon Sports bazanye uburyo bw'imifanire nk'ubw'i Burayi
Abafana ba rayon Sports bari bayiherekeje i Kirehe
Ikibuga cyari cyangiritse bikabije ku buryo cyari kimeze nk'intabire
Shassir (imbere) ahanganiye umupira n'umukinnyi wa Kirehe FC
Kirehe yabashije kwishyura igitego kimwe muri bitatu yari yatsinzwe

Urifuza kuduha amakuru? Hamagara iyi nimero 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza